Guwahati, Nohprah 04: U heh nongialam ka All India United Democratic Front (AIUDF) uba dei ruh u MP ka Assam u Badruddin Ajmal ula ngat ha ka jingshah kynthoh kaba jur halor ka jingpynpaw ba ki Hindu ki dei ban pyntreikam da ka formula jong ki Muslim bad ban pyniathoh shongkurim iala ki khun ki kti ki jong ki ha ka rta kaba dang khynnah.
Da kaba kynthoh tyngeh ia kane ka jingkren u Ajmal, na ka liang ka congress ha Assam kala ong ba ki pulit kila dei ban rejistar case pyrshah ia une u heh nongialam ka AIUDF namar ka jingpynmih ia ki kynrum kynram.
“Kalong kaba sngewkyndit ba ki katto katne ki kynhun seng kiba iakhun halor ka bha ka miat jong ki Hindu ki sngap jar Jar halor kane ka bynta. Ngim lah ban shah ia kina kum kine ki jingkynthoh iapher niam kiba ula pynmih ban pynphai kylliang ia u CM jong ngi ha kaba iadei bad ka ‘love jihad’ ha ka ppr ka jingialap ilekshon ka jong u ha Gujarat, ” Ong u MLA ka Congress uba dei ruh u nongialam liang pyrshah happh ka iingdorbar assembly ka jylla, u Debabrata Saikia, said.
U Ajmal ula kynthoh kylliang da kaba aijingmut ia ki Hindu ba ki dei ban iathoh shongkurim ha ka rta kaba dang khynnah bad ban kha shibun ki khun kumba long ki Muslim.
“Ki shynrang Muslim ki ju pyndep ia ka jingiathoh shongkurim ha ka rta 20,-22 snem, bad ki kynthei ruh ha ka rta 18 snem katkum ka ain ka sorkar. Ha kawei pat ka liang ki Hindu ki don kawei ar ne laingut ki lok buhrieh ba beain hashwa ba kon iathoh shongkurim, Kim shym la ioh khun, hynrei kila shu ialehkmen leh sngewbha ia lade bad tymgkai ia ka pisa, ” Ong u Ajmal.
Nalor kata ula Ong ruh ba ki shynrang Hindu Kim lah shuh ban ioh khun hadien ba kila pyndep ia ka jingiathoh shongkurim ha ka rta 40 snem, kata hadien ba kila pynlut ia ka ppr bad ka jingiadei ba buhrieh palat ia kawei ka kynthei.
Da kaba khot ia u Ajmal u agent ka BJP, ka Trinamool Congress ka la pynlong da ka jingthang ia ka dur tyngshop jong u Ajmal ha Guwahati hynnin ka sngi Saitjain bad dawa ban kem namar ka jingkren bein pyrshah ia ki Hindu.
Ka Raijor Dal ruh kala kynthoh tyngeh ia utei u nongialam ka AIUDF da kaba Ong ruh ba kine ki jingkynthoh jong u pyrshah ia ki Hindu ki dei ki jingkren riewkhlaw ha kane ka imlang sahlang kaba la stad la shai.
Ha kawei pat ka bynta hadien kine ki jingmih jong ki kynrum kynram, na ka liang u Ajmal hymnin ka sngi ula randien noh na katei ka jingkren bad pynmih ka jingpan man namar ka jingktah ia la jingsngew jong ki paidbah nongshong shnong ka Assam.
