Guwahati, Jymmang 03 : Ki Pulit ka Nagaon District hynnin ka miet sngi Palei, kila kem ia uwei u Pulit Langrut namar ka jingai khubor bad iarap ia ki nongkhaii droks.
Une u Pulit Langrut u kyrteng u Mokram Hussain bad la kem ia u da ka Crime Branch jong ka Nagaon Police.
U Hussain u dei uba la buh ban long u nongpahara ia u Deputy Superintendent of Police ha Nagaon. Katba u dang shakri ia une u Ophisar, u Hussain ula ai khubor pat sha ki nongkhaii droks halor ki jingthmu khynra jong ki Pulit pyrshah ia ki lyngba ka phone.
Ki Pulit kila pynlong ia ka jingtohkit bad kila kem ia u Mokram Hussain. Ka jingtohkit mynta kala iaid shakhmat ban nang lap ksai shuh shuh ia ka jingdonkti jong u ban ai ia ki jingtip sha ki nongkhaii droks.
