Guwahati, Nailur 10: Uwei u heh pulit jong ka Assam u la hap ban shong along namar ka jingkynnoh ba u la iarap ia ka kynhun tuh umphniang kaba treikam ha Golaghat district.
U pulit ka Sarupathar Sub-Divisional Police (SDPO) u Dipen Patar u la shah kem hadien ba la iathuh ba ki nongtohkit ki la lap ia ki sabut kiba pyniadei ia u bad ka kam runar ha Uriamghat.
U Patar u dang shah tohkit ha Sarupathar Police Station da u Additional Superintendent of Police (Crime) jong ka Golaghat u John Das.
U Senior Superintendent of Police ka Golaghat u Swapnil Deka u la ong ba katei ka kynhun runar ka la shah kynnoh ba ka la tuh ia ka umphniang da kaba pynpra ia u pipe jong ka ONGC.La register ia ka mukotduma ha ka 3 tarik u Nailar, 2026, bad la kem ia saw ngut ki briew kham mynshwa.
Ka jingtohkit kaba la ialam ia ki pulit sha Patar.La iathuh ba ki nongtohkit ki la lap ia ki sakhi sabut pyrshah ia u bad ki dak ba u la ioh pisa na ka network ba la suba.
Ka jingshah kem jong u Patar ka la pynkiew ïa ka jingdon jong ki nongshah kynnoh ba la set ha kane ka sha ka san ngut, kynthup ïa kawei ka kynthei.
Na ka liang jong ki pulit ki suba jur ba kane ka kam runar ka dei kaba la don kti katto katne ngut ki briew na Sarupathar bad ki riew shimet kiba la kynnoh ba ki don jingiadei bad ka ONGC.
Ia kane ka umphniang ba la shah tuh la kynnoh ba la kit na Sarupathar sha West Bengal.Mynta ki pulit ka Golaghat ki lah ban pyniar ia ka jingtohkit sha West Bengal ban sei madan ia ka network kaba kham heh.
U Deka u la ong ba ka jingtohkit ka dang iaid shakhmat bad ki lah ban shah kem shuh shuh.
