Guwahati, Nailar 16: Ha ka jingkhynra ha ka por shiteng miet ha ka khappud Sribhumi, ki bor pahara kila ioh ban kem bad phah biang ia ki 21 ngut sha Bangladesh kiba la wan rung beain sha u pud u sam jong ka India da ki jingthmu ba sniew.
Kane ka jingkhynra kala jia ha ka por shiteng synnia, bad na ka liang ki ophisar kila pyntikna ba kine ki briew la dep ban tip kyrteng bad mardor la phiah biang noh ia ki sha Bangladesh.
Na ka liang ki bor ba dei khmih kila register ia kine ki briew bad phah biang ia ki sha bad kane ka jingpeitngor kan dang iai bteng khnang ban iada bad ban ban pynskhem ïa ki khappud jong ka jylla.
Haba pynbna ia kane ha ki social media, u Myntri Rangbah ka jylla Assam u Himanta Biswa Sarma u la kynthoh “Ka jinglaitluid ha ka por shiteng miet? Lada shu ia kren.
Katkum ki heh ophisar, kane ka kynhun kila rung beain sha u pud u sam jong ka ri India da ka “jingthmu ba sniew”.
Hadien ba la ithuh ïa ki, la pynkrad biang ia ki sha Bangladesh ha ki por ba dang step bh, kaba pynpaw ia ka jingbym lah shah ia ka jingwan rung beain hapoh ka ri India.
