Guwahati, Naitung 28: Ka Asom Gana Parishad (AGP) kaba iatrei lang bad ka seng BJP, kala sdang ban pynkhih ia ki doh ksah na ka bynta ban ioh kham bun ka bhah ne ki seat ha ka assembly election ka ban long ha u snem 2026 da kaba pynbna kyrtong ha ki constituency kiba kham kongsan.
Ha ka election 2021 ka AGP kala pynieng 29 ngut ki kyrtong bad kala jop tang khyndai ngut bad ka party kala sdang ban iateh lok bad ka BJP naduh u snem 2014.
Da ka jingpynkhlain jong ka BJP kaba ialam ia ka sorkar ban kyndang naphang ia kiba wan buhai shnong beain, ia kaba la iohi paidbah kum ka jingpyrshang ban pynskhem ban kyrshan ia ki trai ri trai muluk hapoh ka jylla, ki nongtrei ka AGP kila sdang ban kam pynieng kyrtong ha ki constituency kiba bun ki trai ri trai muluk kum ha Majuli, Lakhimpur, Bihpuria, Ranganadi, Gohpur, bad ha Nalbari.
Ki tyllong khubor ki la ïathuh ba ki nongtrei kila pynpaw ia ka jingsngewkhia namar ka jingsngap jar jong ki nongïalam ka seng halor ki mat ba kongsan bad ka jingïahap jong ka bad ka nongrim jong ka BJP. Katba u president ka AGP, u Atul Bora, u la pyrshang ban pynjem ïa ka jingbym sngewhun kaba nang jur lyngba ki katto katne ki jingïakren, bun ki nongtrei ki dang sngewkhia ia ka seng hapdeng ki nongthep vote trai ri trai muluk.
Na ka liang ka party ka dang wad ia ki lad ki lynti kumno ban dang pynkhlain shuh shuh ia ki nongtrei ha ki shnong ki thaw bad ki dang thmu ban pynieng kyrtong ha ki constituency kaba ki jied.
 kaba iatrei lang bad ka seng BJP, kala sdang ban pynkhih ia ki doh ksah na ka bynta ban ioh kham bun ka bhah ne ki seat ha ka assembly election ka ban long ha u snem 2026 da kaba pynbna kyrtong ha ki constituency kiba kham kongsan.){kind=link}