Guwahati, Rymphang 07: Ban lah pynmih khambun ka bording elektrik ha Jylla, ka Sorkar Assam ka don jingthmu ban pyntreikam ia ki floating solar power plant project ha kylleng ki jaka shong um (wetlands) hapoh ka Jylla.
Haba iakren bad ki nongthoh khubor, u Myntri Rangbah ka Assam Himanta Biswa Sarma ula ong “Ka Sorkar Jylla kala pyrshang ban pynlong ia ka Assam kum ka Green Energy Hub. Ka Assam mynta ka donkam 2,200 MW ka bording ban lah pynbiang bording sha baroh ki Longiing hapoh ka Jylla”.
Ka Assam kala dep thaw ia ka solar policy ha u snem 2017 da ka thong ban pynmih haduh 1,000 MW ka bording hapoh ki lai snem ban wan.
Ka floating solar power plant ba nyngkong eh hapoh ka thain Shatei Lam Mihngi kaba pynmih 10.50 KW ka dei kaba la pyntrei ha ka shnong Thanagarha, kaba don ha Morigaon District ka Assam.
Uwei pat u mawmer u kynthup ia ka jingthaw ia ka solar power plant kaba hehduh jong ka thain ha sor Amguri, Sivasagar District, kaba lah ban pynmih haduh 70 MW ka bording elektrik.
Kane ka solar policy ka phaikhmat ruh sha ki solar photovoltaic (SPV) rooftop power plant ki ban pyndait ha ki tnum iing briew, ki jaka treikam, ki karkhana bad ki jaka iadie iapet.
 hapoh ka Jylla.){kind=link}