Dibrugarh, Nailar 13: Ka jingkulmar ka la mih ha khappud jong ka Assam-Arunachal Pradesh hajan Likabali ha ka step jong ka sngi Palei hadien ba la ïoh jingtip ïa ki jingjia shah kawang maw na katei ka thaiñ.
Katkum ki tyllong khubor, ki Pulit ka Assam ki la siat saw kuli hadien ba la kynnoh ba la kawang maw da ki runar na Arunachal Pradesh kiba la thmu ïa ki nongïakhih hajan khappud hapdeng ki Jylla. Ym shym la don ba mynsaw, bad la ong ba ka jinglong jingman ka don hapoh ka jingpyniaid, bad ki dang buddien bha ia ki jingjia.
Katto katne ki seng na Assam ki la pynjari da ka economic blockade ha ki bynta jong ka thaiñ north Assam naduh ka sngi Balang hapdeng ka jingjur jong ka jingïakynad ha khappud.
Ka Takam Mising Porin Kebang (TMPK) kaba dei ka seng jong ki jaitbynriew Mising, ka la khot ia ka jingkhang khyrdep kaba 12 kynta ha ka Dhemaji district ha ka sngi Balang, kum ka jingpyrshah ia ka jingkynnoh ba la siat ia ki 11 ngut ki trai shnong Assam ha Mingmang Bodoti ha shilynter u pud u sam hapdeng ki Jylla ha ka sngi Nyngkong.
Kane ka jingia siat ka long hadien ka jingïakajia halor ka jaka ba la dawa da ka Assam bad ka jingkynnoh ba la shong da ki briew na Arunachal Pradesh.
Hapdeng kane ka kynrum kynram, u myntri rangbah ka Assam u Himanta Biswa Sarma u la kyrpad ia ki briew ha baroh ar tylli ki jylla ban pynneh ia ka shongsuk shongsain.
“Ka Assam bad ka Arunachal Pradesh ki ïasam ïa ka jingïadei kaba ïaid sha jngai palat ïa u pud u sam.Ha ki pateng bynriew, ki briew jong ngi ki la im kum ki hynmen ki para, ba la teh da ka jingieid, ka jingieid bad ka jingburom mar kylliang,” ong u Sarma ha ka X.
Assam and Arunachal Pradesh share a bond that goes far beyond boundaries. For generations, our people have lived as brothers and sisters, bound by love, affection and mutual respect.
In recent years, we have resolved most of our border differences through dialogue and…
— Himanta Biswa Sarma (@himantabiswa) August 13, 2026
U la ong ba bunsien ia ki jingiapher ha khappud la pynbeit lyngba ka jingiakren bad u la kdew ba 52 tylli ki shnong ki dang sah ha ka jingiakren.
“Nga kyrpad ïa ki paidbah ka Assam bad Arunachal ban pynneh ïa ka shongsuk shongsaiñ.Ki pud ki sam ki lah ban batai ïa ki Jylla jong ngi, hynrei kim lah da lei lei ruh ban phiah ïa ka dohnud jong ngi,” ong u Sarma.
U Myntri Rangbah ka Arunachal Pradesh u Pema Khandu haba ïaroh ïa ka jingkyrpad jong u CM ka Assam ban ïoh ïa ka jingsuk, u la ong ba u la ïakren ïa ka jinglong jingman kaba mih na ka jingjia kaba dang shen ha ka shnong Hime, kaba don hajan khappud ka Assam, bad ka AAPSU bad ki nongmih khmat jong ka Galo Welfare Society, ka Galo Students Union bad ka Dolok Bango Welfare Society.
I heartily welcome the positive and reassuring statement by Hon’ble Assam Chief Minister Shri @himantabiswa Ji.
Assam and Arunachal Pradesh share a deep bond of history, friendship and brotherhood. Our differences must always be addressed through dialogue, mutual understanding… https://t.co/BewPGXFXkA
— Pema Khandu པདྨ་མཁའ་འགྲོ་། (@PemaKhanduBJP) August 13, 2026
“Ka jingthmu ba kongsan ka long ban pynsuk ia ka jingiakren, bad ban pynphai biang ia ka jinglong kaba man ka sngi ha ka por kloi katba lah.Baroh ki nongshim bynta kiba donkti ki dang iatreilang ban pynneh ia ka jingsuk, bad ban pynneh ia ka jingshaniah para ma ki”, la ong u Khandu.
