Guwahati, Iaiong 01 : Ha kawei ka jingjia ba sngewsih, lai ngut ki briew kynthup uwei u khynnah, la suba ba kila iap na ka jingkylla ka lieng hapoh ka wah Brahmaputra hynnin ka sngi U Blei, ha South Salmara Mankachar District.
Kat kum ka khubor, kane ka lieng ka dei kaba kit ia ki briew bad kynthei bad khynnah, na Kali Alga Ghat sha Nepur Alga Charanchal.
Ki nongtong dohkha bad ki bor Sorkar kila her wut wut sha kate ka jaka ban pyllait im ia kine ki briew ba hap na lieng.
“Kane ka jingjia kala jia ha ka por 5 baje janmiet ha kaba kane ka lieng kaba kit briew, kala kylla kynsan na ka jingbeh kynsan ka lyer kaba jur. Kine ki briew ki dei kiba wan iew sngi U Blei bad ki dang leit phai shala shnong”,ong ki trai shnong.
Ki Pulit ki iathuh ba haduh mynta ka kynhun SDRF kala ioh tam ia kawei ka metiap bad arngut ki dang jah rngai.
Kumba 15 ngut ki briew la ioh ban pyllait im na kane ka jingkylla ka lieng.
