Shillong, Iaiong 01: Ka Hynniewtrep Achik National Movement (HANM) hynne ka sngi Nyngkong, kala dawa iaka tnat Pulit ban kem ia u nongialam ka Coordination and Welfare Committee (CWC) u Gopal Dey.
Kane ka jingdawa kala mih hadien u ba Gopal dey ula kynnoh ba dei ki dkhot ka Khasi Student Union (KSU) kiba pyniap ia 2 ngut ki bar Jylla ha Ichamati haka 27 tarik Lber.
Haba kren sha ki lad pathai khubor, u Assistant Secretary Bah Bawan Nongsiej ula ong baka HANM ka pynrem jur iaka CWC kaba la kynnoh iaki dkhot ka KSU khlem ka nongrim.
Ula pyntip ruh baka HANM kala ujor daka ejahar pyrshah ia u Gopal Dey uba la pynmih ia kane ka jingkynnoh lyngba ka shithi bala thoh sha u Myntri Rangbah ka Jylla.
“Ka HANM ka shaniah haka ain ban leh iaka ba donkam hynrei kam lah ban shu sngap halor ka jingshah kynnoh pyniap briew ka KSU” ong u Bah Bawan.
U Bah Bawan ula ong ba u Gopal Dey udei ban pynshai haba iadei bad ka jingkynnoh jong u pyrshah iaka KSU.
