Guwahati, Nailur 13 : Ki Pulit ka Assam kila ioh ban kurup haduh 2.2 kilo u heroin ba shongdor haduh T. 18 klur na kawei ka kali bala khangkdong ha Saraighat, hynne ka sngi Ba-ar.
Kat kum ka khubor Pulit, kane ka kali ka dei ka Thar kaba don u nombor AS01-FM-7800 bad ka dei kaba wan na Churachandpur District, Manipur da ka jingthmu ban pynpoi ia u droks ha Lower Assam. Ki Pulit kila ioh kurup haduh 170 synduk sabon u droks ba khia 2.2 kilo.
Ki Pulit kila ioh ban kem ia 3 ngut ki Nongkhaii droks ba dei ki nong Manipur bad hadien kila ioh kem sa lai ngut ki Nong Assam kiba dei ban shimti ia une u droks. Ia kine ki nong Assam la kem na ka Sachika Hotel kaba don ha Amingaon.
Kine ki Nongkhaii droks ki dei kiba la ithuh da u Khalilur Rahman, Inamul Ali, Abdul Ali, Haopur Singson, Gogou Haokip bad Samingon Doungle.
