Guwahati, Nailur 13 : U President ka All India United Democratic Front (AIUDF) Badruddin Ajmal ha ka sngi Ba-ar ula ong ba ka AIUDF ka kyrshan tylli ia ka India bad ia ka kynhun synrop INDIA haba kyrmen skhem ba kane ka Kynhun Synrop jong ki Liang Pyrshah kan sa wan ha ka bor Synshar ia ka Ri ha u 2024.
Haba iakren bad ki nongthoh khubor ha Guwahati, u Badruddin Ajmal ula ong “Ngi kyrshan ia ka kynhun synrop INDIA bad ngi kyrmen ba ngin sa wan ha ka bor synshar ha ka elekshon ban wan. U Narendra Modi un ym dei shuh u Myntri Rangbah Duh ka Ri ha u 2024”.
Ka AIUDF ka dei shibynta jong ka kynhun synrop INDIA bad une u Khliehduh bad MP ka Dhubri ula kren shai ba ha ka elekshon Lok Sabha u snem 2024, ka kynhun INDIA kan thaw ia ka Sorkar da kaba pynliem noh ia ka BJP na ka bor.
Ia ka kynhun synrop INDIA la thaw da ki seng sain pyrthei ba don ha ka Liang Pyrshah ban iakhun pyrshah ia ka BJP ha kaba bun ki sengriewlum ruh kila iasnohkti lang ban weng noh ia ka BJP na ka bor ha ka elekshon Lok Sabha 2024.
U Ajmal ula shong jingialang bad u Myntri Rangbah ka Assam Himanta Biswa Sarma ha ka sngi Ba-ar halor kiba bun ki ishu. Ula kyrpad ia u CM ban kyntiew kyrdan noh ia ka BN College ka Dhubri sha ka University.
 Badruddin Ajmal ha ka sngi Ba-ar ula ong ba ka AIUDF ka kyrshan tylli ia ka India bad ia ka kynhun synrop INDIA haba kyrmen skhem ba kane ka Kynhun Synrop jong ki Liang Pyrshah kan sa wan ha ka bor Synshar ia ka Ri ha u 2024.){kind=link}