Imphal, Nailur 13 : Ka Makepeace Sitlhou, ka nongthoh khubor kaba don iaka thymmei na Lamka ha Churachandpur District ka Manipur, kala kynjoh ia u mawjam ba kongsan ha ka kam ba ka trei da ka jingjop ia ka Rocky Mountain Emmy halor ka phlim documentary ba ka shna.
Kala jop ia kane ka khusnam halor ka phil documentary bala ai kyrteng “A Wall Runs Through It”.
Ki kynhun kiba la ioh ia kane ka khusnam ki kynthup ia ka Makepeace Sitlhou, Trilce Estrada Olvera, badd Hakob Karapetyan ha ka College Non-Fiction Short Form category jong ka Student Production Awards.
Ka Rocky Mountain Emmy, ka dei ka seng kaba ithuh ia ki kam shna phlim kiba kynsai da kaba ai khusnam “Emmy” ia ki nongshna.
Ka Rocky Mountain Emmy ka dei kaba don burom bha ha ka karkhana shna phlim bad ka jingjop ia kane ka khusnam ka dei ka thong kaba khraw bha ia kino kino ki nongshna phlim.
