Guwahati, Lber 25: U Myntri Rangbah ka Jylla Himanta Biswa Sarma ula kular ia ki nongialam bad nongkitkam ka Assam Gana Parishad (AGP) ba un ai ka jingkyrshan ia ki kyrtong ka party ba kin jop ha ka elekshon Lok Sabha ban wan.
U Himanta ula leit ban iuhkjat hapoh ka Ophis treikam ka AGP hynnin ka sngi U Blei ha Guwahati bad ong “Ka BJP kala ai ka jingkular ha kaban tyrwa ia ka seat kaba thikna ban jop sha ka AGP”.
Ula ong ba kane ka seat ha kane ka elekshon Lok Sabha, ka dei ka jingpynurlong ia ka jingkular bala khlei ha ka elekshon Assembly ba la dep.
Ula kubur ia ka jingtynjuh ki ban mih ha Dhubri bad kyrpad ia ki Nongkitkamka AGP ba kin iakhun tyngeh ha kaban jop ia baroh artylli ki constituency.
Ha ka phase-III ban thep vote ha ka 7 tarik Jymmang, ka AGP bad UPPL kila pynieng kyrtong ha lai tylli ki constituency bad ka BJP ha kawei. U Himanta ula kular ia ka jingkyrshan ba pura jong ka BJP ia ki kyrtong ka AGP bad kyrmen skhem ia ka jingjop ba hun jong ka kynhun iatreilang ha baroh ki 14 tylli ki seat ka Assam.
