Agartala, Lber 25 : Saw ngut ki rawon kila ngam jyllop hapoh ka pung Dumboor kaba don ha Dhalai District ka Tripura hadien ba ka bur ba ki shna, kala pra hapdeng ka pung.
Kane ka jingjia kala jia ha ka miet sngi Saitjain bad ia kine ki briew la tip kyrteng da u Haridas Das (46), Jyotish Mallik(50), Pradip Das (45) bad uwei uba dang jah rnga uba kyrteng u Sanjit Nandi(55).
Kat kum ka jingiathuh ki Pulit, lai tylli ki metiap la lap haduh mynta bad ka jingwad sa ia kawei ka met ka dang iaid shakhmat.
“Ka bur ba ki shna ban khwai kala pra kynsan ha ka miet sngi Saitjain namar ka jingjur ka lyer bad u slap bad kine ki saw ngut ki rawon kila hap lut sha um bad ngam jyllop” kila ong.
