Guwahati, Jylliew 10: Ka Enforcement Directorate (ED) ka la pynlong ïa ki jingtalasi ha ryngkat ka ïatreilang ha kylleng ka jylla Tripura, Mizoram bad West Bengal ha kaba ïadei bad ka jingkhaii droks kaba heh bha ha shilynter ki khappud bad ka jingkhaïi pisa kaba kynthup ïa ki jingsuba ba la ïoh na ki kam runar palat ïa ka ₹142 klur.
Katei ki jingkhynra, kiba la leh da ka ophis jong ka ED’s Aizawl Sub-Zonal Office ha ka 8 tarik Jylliew hapoh ka Prevention of Money Laundering Act (PMLA), ki mih na ka jingtohkit kaba iadei bad ka Narcotics Control Bureau (NCB) case ba donkti bad ka jingioh kurup ia ki dawai pynbuaid ba 49.1 kg ha ki methamphetamine tablets bad 40 gram u heroin ha Mizoram mynshem snem
Kat kum ka ED, ka jingtohkit ka la pynpaw pyrthei ïa ka jingiatrei lang hapdeng ki jylla bad ki ri ka pyrthei (interstate and international) kaba la kynnoh ba ki shim ïa u drok methamphetamine na ki supplier kiba don ha Myanmar bad pynpoi tuh sha India lyngba ka Champhai-Zokhawthar sector jong ka Mizoram shwa ban phah sha ki nongpdiang ha Tripura.
Ki nongtohkit ki la ong ba katei ka kynhun ne syndicate ka pyndonkam ia ka network jong ki bank account, shell entities, cash transactions bad hawala channel ban pynkhuid ia ki pisa ba ioh na u drok bad ban buhrieh ia ka jinglong jong ki nongioh jingmyntoi. Haduh mynta, la lap ïa ki jingpynïaid pisa kiba suba kiba shongdor palat ïa ka ₹142 klur.
Ka agency ka la ong ba don arngut ki briew ba kongsan ha kane ka network — u nongkhaïi na Myanmar u Chintuang uba la khot sin u Tluanga bad u nongiarap ïa ka leit ka wan u Jabrul Haque — ki la dep shah kem ha ka NCB.
Ki jingkhynra ba thymmai ki la thew beit (target) ïa saw ngut ki briew bad ki kynhun ba la kynnoh ba ki don jingïadei bad ka kynhun runar, kynthup ïa arngut kiba la suba ba ki dei ki nongpdiang ïa ki mar ba la kurup na Tripura, uwei u nongbat account ba sah ha Mizoram uba la ïathuh ba ka bank account jong u ka pyni ïa ki ram kiba palat ïa ka ₹33 klur, bad kawei ka kam khaii kaba don ha West Bengal kaba la suba ba la pyndonkam ïa ki pisa beaiñ.
Ha ka jinglap, ki heh jong ka ED ki la lap palat 25 tylli ki CCTV ba la pyndait ha ki dieng ha kylleng ki jaka sah jong ki arngut ki suba donkti hajan khappud India-Bangladesh, kumba ka paw na ka bynta ban buddien ia ka iaid ka ieng ha ki jaka khappud ba don khlaw.
Ka kynhun wad bniah, ba la iarap da ki shipai CRPF bad ki BSF, ki la kurup ruh ia ki tiar digital, ki kot ki sla kiba pynngat ha ki kam runar bad kiwei kiwei ki tiar kiba la ngeit ba ki don jingiadei bad ka jingpynkhuid ia ki pisa ba la ioh na u drok.
Ia kane ka case la iohi kum kawei na ki jingtohkit kaba heh tam halor ka jingpynkylla pisa kaba iadei bad ka jingkhaii drok ha ka thain shatei lammihngi, kaba pynpaw ia ka jingroi jong ka bynta jong ki lynti ha shilynter ka khappud (international border routes) ha ka jingkit ia ki drok bad ki pisa beain.
Ka jingtohkit kaba kham bniah ka dang iaid shakhmat.
 ka la pynlong ïa ki jingtalasi ha ryngkat ka ïatreilang ha kylleng ka jylla Tripura, Mizoram bad West Bengal ha kaba ïadei bad ka jingkhaii droks kaba heh bha ha shilynter ki khappud bad ka jingkhaïi pisa kaba kynthup ïa ki jingsuba ba la ïoh na ki kam runar palat ïa ka ₹142 klur.){kind=link}