Shillong, Jylliew 09: U Myntri Rangbah ka Jylla Conrad K Sangma ula kular ban pynkut noh (terminate) iaka jingshakri jong ka SAI Computer Ltd kaba sam bording hapoh ka thain Mawphlang, Mawsynram bad Ranikor.
Ia kane la pyntip da u nongialam ka National People’s Party (NPP) Bah HM Shangpliang haba pyntip naka liang ka NPP kala buddien bha iaka jinglong jingman ka rukom sam bording ka SAI Computer Ltd hapoh ka thain Mawsynram sub-division.
“Ngi kwah ban pyntip ba ngi la buddien bha ia kane ka kam bad ngi la iakynduh ia u Myntri Rangbah bad ngi la buh ka jingdawa ban weng noh shi syndon iaka SAI Computer Ltd kaba dei peit iaka kam sam bording haki thain jong ngi” ong u Bah Shangpliang.
“Hynnin ka miet ka kynhun jong ngi kala kynduh biang ia u Myntri Rangbah ban buddien biang halor kane ka mat bad u Myntri Rangbah ula mynjur ban pynkut noh (terminate) iaka contract jong ka SAI Computer Ltd” ula ong.
U Bah Shangpliang ula ong ba ka kam ban pynkut noh iaka SAI Computer Ltd ka dang iaid bad ha kine ki khyndiat sngi kan sa poi ka hukum (order) baka SAI Computer Ltd kan mih noh na Mawsynram.
Naka liang u MDC ka Mawsynram Bah Alvin Sawkmie haba pynthikna ia ka jingkular u Myntri Rangbah ula ong “Nga kyrpad iaki paidbah ba kin iai shah, ha kine ki khyndiat sngi, kumba la batai, ka SAI Computer Ltd kan sa shah wengnoh, sngewbha iai shah, ngi la thikna ba naka liang ka Sorkar kala shimkhia hadien ba kala ioh sngew ia ka jingud ki paidbah, bad la kular bad ka pyndep noh ia kane ka kam ha ki khynndiat sngi”.
“Nga sngew ban ai khublei ia u Myntri Rangbah namar ula kular ban wengnoh iaka SAI Computer Ltd kaba sam bording ha Mawsynram, Mawphlang bad Ranikor” ula ong.
 iaka jingshakri jong ka SAI Computer Ltd kaba sam bording hapoh ka thain Mawphlang, Mawsynram bad Ranikor.){kind=link}