Guwahati, Lber 14: Ka Directorate of Enforcement (ED) ka la khynra naphang ha ki khyndai tylli ki jaka ha Assam bad Mizoram halor ka kam airam thied kali ba shu thok kaba la kot haduh T.146 kaba don bynta lang ka Mahindra & Mahindra Financial Services Limited (MMFSL).
Ka ED ka la sdang ïa ka jingtohkit da kaba pynshong nongrim na ka ejahar (FIR) kaba la register da ki pulit ka jylla Mizoram ha ki kyndon bapher bapher jong ka Indian Penal Code (IPC), 1860.
Katkum ka ejahar la pynpaw ia ka jingkynnoh hadien ba la saphriang bha iaka jingdon kti ki nongdie kali, ki nongtrei jong ka MMFSL, bad kiwei kiwei ki riew shimet kiba la thok ban ïoh ram da kaba pyndonkam ïa ki jingthoh thok jong ki nongthied bad ki kot ki sla thok kum ki ID nongthep vote, ki Aadhaar Card, bad ka income certificate.
Katkum ka jinglap jong ka ED, saw ngut ki nongdie kali ki la iatreilang bad u Jakir Hussain, u ba dei u nongtrei barim jong ka MMFSL, ban leh ia katei ka kam thok. Na ka pisa kaba T. 146 klur la shim, T. 71 klur la ioh biang lyngba ka jingsiew ram, katba kot T. 75 klur bad kaba dang sah khlem lap dien bad la ngeit ba ka don bad u nongshah kynnoh ba ha khmat eh bad ki nongdie kali kiba donkti.
Ha ka jingkhynra, ka ED ka la ioh ïa ki jingtip kiba kongsan ba kynthup ïa ki bank account kiba ïadei bad u nongshah kynnoh. Kum shi bynta jong ka jingtohkit kaba dang iaid shakhmat, ki bor pyniaid ki la pyndait shipor ia ka pisa kaba T.1. 9.9 klur bad ar tylli ki kali ba la thied da kaba pyndonkam ïa ka pisa ba la ïoh na ki kam runar katkum ka Provisional Attachment Order (PAO) ba la pynmih ha ka 7 tarik u Lber, 2025 bad ka jingtohkit halor kane ka dang iaid sha khmat.
 ka la khynra naphang ha ki khyndai tylli ki jaka ha Assam bad Mizoram halor ka kam airam thied kali ba shu thok kaba la kot haduh T.146 kaba don bynta lang ka Mahindra & Mahindra Financial Services Limited (MMFSL).){kind=link}