Guwahati, Nohprah 4: Ka sorkar Assam kala khein beain ia baroh ki kot kiba thoh bad don ka jingiadei bad ki kynhun seng lehnoh, da kaba pyntreikam ia ka Section 98 jong ka Bharatiya Nagarik Suraksha Sanhita (BNSS), 2023.
Ka Political (A) Department kala pynmih ia ka jingpynbna ne ka notification ha ka 3 tarik u bnai Nohprah, kaba khang pyrshah ban dang pynmih ia ki kot, ne sam paidbah, ne ban die ia kino kino kiba don jingiadei bad ka Jamaat-ul-Mujahideen Bangladesh (JMB), Ansarullah Bangla Team (ABT), Ansar-Al-Islam/pro-AQIS bad kiwei kiwei de ki kynhun lehnoh kiba la shah khein beain.
Katkum ka sorkar jylla, ki jingtip ba bniah na ki tnad syntiat bad ka jinglap jong ki cyber-patrolling bad ki jingtohkit ba dang ïaid sha khmat da ki Pulit Assam bad ka Special Task Force (STF), ki pyni ïa ka jingbteng jong ka jingpynphriang bad jingdon ki kot ba thoh shaphang ki kam pyntriem ba shyrkhei.
Kane ka hukum ka long hadien ki jingpyntip na Assam Police’s Law & Order branch bad ki jingpeit bniah na ka Judicial Department, kiba la maham ba kum kine ki kot ki buh jingma kaba khraw ïa ka synshar khadar jong ka ri India, ka jingshngaiñ hapoh ka ri, ka jingïatylli ha ka imlang sahlang bad ka shongsuk shongsaiñ ki paidbah. Kine ki seng ki dei kiba la don dak kum ki seng lehnoh hapoh ka Section 35 jong ka Unlawful Activities (Prevention) Act.
, 2023.){kind=link}