spot_img

Assam | Kem ki Pulit ia u Nonghikai ba don jingiadei bad ka kynhun lehnoh Jamaat-e-Islami 

Date:

Share post:

Guwahati, Nailur 2: Ki Pulit ka Golakganj kila kem noh ia u wei u nonghikai skul halor ka jingkynnoh ba u don ka jingiadei bad ka seng lehnoh Jamaat-e-Islami kaba na ka ri Bangladesh.

Utei u nonghikai uba la shah kem u dei uba la tip kyrteng kum u- Hazrat Ali ba la ju khot sin kum u Hazrat Master.

Katkum ki pulit, ia u Ali la kem na ka thain Kazigaon ha Kokrajhar district ha ka janmiet jong ka sngi saitjain.

U Ali, uba dei u nonghikai, u la shah peitngor bha la katto katne por ha ki jingïaid lynti kiba suba jong u bad ki jingïadei kiba lah ban don bad ki kynhun lehnoh ba shyrkhei.

“Ngi la ïoh ïa ki jingtip kaba bniah halor ka jingdonkti jong u Hazrat Ali bad ki kynhun jihadi, khamtam eh ïa ka Jamaat-e-Islami jong ka Bangladesh.Da kaba leh katkum ki jingtip, ka kynhun jong ngi ka la kem ïa u na ka jaka rieh jong u ha Kazigaon,” ong uwei u heh pulit.

Ka Jamaat-e-Islami, kaba dei ka Islamist party ha Bangladesh, ka la shah kynnoh la slem bah, ba ka kyntiew ia ki jingmut jingpyrkhat kiba shyrkhei bad pynneh ia ka jingiadei bad ki kynhun lehnoh.

U Ali mynta u lah don hapoh ka police custody bad ka jingtohkit pyrshah ia u mynta kala iaid shaphrang.

Ha kajuh ka por, ki pulit Assam ki la pynlong ia ka jingkhynra kaba jur pyrshah ia ki seng lehnoh jihadi kiba rieh tngen ha ki bynta bapher bapher jong ka jylla.

Share post:

spot_img
spot_img

Popular

More like this
Related

Pynkup burom ka Laban ia u MLA ba shah thung kum u Myntri ka Sorkar MDA

Shillong, Nailur 23 : Ka Dorbar Shnong Laban hynne...

Hadien 3 sngi lap ia ka metiap ka Khynnah ba jah na Mawlyngkhar

Nongstoin, Nailur 23 : Ki Pulit ka West Khasi...

Bitar ka Ri-Bhoi ba tuklar u Heh BJP ka Assam ia ki kam jaka ha thain Killing

Nongpoh, Nailur 23 : Ka Ri-Bhoi District baroh kawei,...

Kyntait u DyCM ba jied briew lajong ha ka jingbujli Myntri ha ka Sorkar MDA

Shillong, Nailur 23 : U Symbud Myntri Rangbah Bah...