Dibrugarh, Jymmang 17 : Ki Pulit ka Dibrugarh kila ioh bat ia ka kam khaii snam be-ain bad kem 3 ngut ki briew kiba donkti, na ka phyllaw jong ka Assam Medical College and Hospital hynnin ka sngi Palei.
Kine ki laingut ki dei kiba pyniaid beain ia ka kam khaii snam ha kane ka hospital bad la tip kyrteng ia ki da u Amrit Rajput, Pradip Das bad u Dasrath Das.
Kat kum ka jingiathuh ki Pulit, kine ki laingut ki la pyndonkam ia ki nongnaih rickshaw, ki nongtrei bylla bad wat ki nongdih droks ban ai snam da ka jingsiew pisa.
Ia ka snam bala lum na kine ki briew la die pat sha ki nongpang kiba donkam snam kyrkieh ha ka dor kaba rem.
La kynnoh ba shi unit ka snam la die hapdeng ka T.3000 haduh T.7000, kaba shong ruh kat kum ka blood group bad ka jingdon kyrkieh ia ka snam.
La lap ruh ba kine ki briew kila die ruh wat ia ka snam lajong sha ki nongpang ha kiba bun ki khep.
U Heh Pulit ba khmih ia ka Borbari Police Outpost, Rajib Das ula pyntip ba ka jingtohkit ia kane ka case ka dang iaid shakhmat. Ula bynrap ba ka jingpyrshang ban ithuh bad lap ia kiwei kiwei ki briew ba donkti ha kane ka kam ruh ka dang iaid shaid shaid.
U Superintendent ka AMCH Prasanta Dihingia ula ong “Ngi la shong jingialang la bunsien bad ki borpyniaid lem bad ki Pulit halor kane ka kam?.
