Guwahati, Naitung 06: Palat 100 tylli ki mrad bad 14 tylli ki mrad khlaw kila iap namar ba ngam jyllop ha Kaziranga National Park, katba 95 tylli la lah ban iarap daki ophisar ka tnat Forest bad 40% ka jaka ba la ithuh kum ka UNESCO World heritage Site ka dang don hapoh um.
Napdeng 233 tylli ki Forest Camp, 66 tylli ki dang shah tap ha ka um.
Ki mrad Hog Deer kidei kiba shah ktah bha bad haduh 95 tylli na kine ki skei kila iap ba ngam jyllop.
Ka jingshlei um kaba la pynlong iaki mrad ban phet shaki jaka ba kham halor shaki thain Karbi Hills.
Naka bynta ban iada iaki mrad, ki kali sorkar kum juh ki kali riew shimet ki hap iaid katkum ka jingbuh ia u pud ban niah kali ha ryngkat ka jingbud ki Pulit bad ki briew ka tnat Forest man ka shiteng kynta.
Kat kum ka khubor la iathuh ba 6 ngut biang ki briew kila khlad biang namar ka jingshlei um ha Assam bad haduh mynta ka jingkhlad kala kot shaka 58 ngut.
U Myntri Rangbah ka Jylla Assam u Himanta Biswa Sarma ula pynlong ka jingleit jurip iaka Jyotinagar bad ula ioh kynduh iaki kmie ki kpa jong u Abinash Sarkar, uba la jah na jan ka Temple hapoh kane ka shnong.
U Myntri Rangbah ula ai ka khubor sngewlem shaki bahaing jong ki lanot.
U Abinash Sarkar udei u khun jong u Harilal Sarkar naka shnong Shyamnagar ha Bhawanipur Noonmati ha Guwahati bad haduh mynta ym pat lah ban lap iaka met.
U Myntri Rangbah ula ong baka kynhun NDRF bad SDRF kila pynlong ka jingtohkit hynrei haduh mynta kim pat lah iaka met u khynnah.
Ula iathuh ba ula bthah iaka kynhun ban bteng biang iaka jingwad ia u khynnah daka ba wad haki bynta ka khyrdop jong ka Wah Bharalu.
2 ngut ki breiw kila khlad kyntheup uwei na Mahmora Charaidepo district, uwei na Matia Goalp[ara district, Naduar ha Sonitpur district, Doomdooma ha Tinsukia district bad Mayong ha Morigaon district.
23,96,648 ngut ki briew naki 3,535 tylli ki shnong hapoh ka 107 revenue circles jong 29 kila shah ktah haka jingshlei um.
Ka Dhubri kadei ka jaka ba shah ktah jur bha ha kaba 7,97,918 ngut ki briew kila shah ktah, ka Cachar kala don ka jingshah ktah haduh 1,75,231 ngut bad ka Darrang haduh 16,3,218 ngut.
Ka Wah kala sdang kiew ka um k aba buh jingma iaki paidbah haki thain Neamatighat, Tezpur, Dhubri bad Goalpara, Burhidihing ha Chenimari (Khowang), Dikhou ha Sivasagar, Disang ha Nanglamuraghat, Dhansiri ha Numaligarh, Jia-Bharali ha Nt Road Crossing, Kopili ha Dharamtul, Sankosh ha Golokganj, Barak ha AP Ghat, B P Ghat bad ka Wah Kushiyara kala kiew ka jingdon um ha Karimganj.
Napdeng ki 35 tylli ki districts jong ka Jylla, 29 tylli ki don hapdeng ka jingshlei um ba kynthup ka Dhubri, Cachar, Hailakandi, Kamrup, Goalpara, Charaideo, Biswanath, Barpeta, Nalbari, Bongaigaon, Dibrugarh, Golaghat, Hojai, Lakhimpur, Dhemaji, South Salmara, Nagaon, Morigaon, Karimganj, Chirang, Kokrajhar, Darrang, Sivasagar, Jorhat, Sonitpur, Karbi Anglong, Tinsukia, Majuli bad Kamrup (M).
293 tylli ki Relief Camps bad 284 tylli ki Relief Distribution Centres, la thaw daka Sokar ban iarap iaki lanot.
Ki bor iarap kata ka NDRF, SDRF bad ka tnat Pulit ki dang iai bteng ban iarap iaki lanot bad haduh mynta kila lah ban iarap pynkynriah iaki 245 ngut ki briew shaki jaka ba kham shngain.
