Guwahati, Nailar 4: Lai ngut ki pulit jong ka Central Reserve Police Force (CRPF) kynthup ia uba la shah kynnoh ba u dei u nongsiat ki la iap bad uwei pat u la mynsaw jur hadien ba la don ka jingsiat hapoh ka ktem 34 Battalion CRPF ha Katimari, Nagaon district ha ka sngi Ba-ar.
Katkum ka jingiathuh ki heh jong ka CRPF, la kynnoh ba u Constable Ballani Premabaram u la sei ia ka suloi INSAS na kamra pahara jong katei ka ktem bad siat ia ki para shipai shwa ba un siat iap ialade.
Kitei ki arngut ki briew kiba la iap ha katei ka jingsiat kuli la tip kyrteng kum u Sub-Inspector (GD) u Ramnawal Singh Yadav bad u Head Constable (GD) u Vishnu Prasad Baghel.
Ha katei ka jingjia u Assistant Sub-Inspector (GD) Mane Govind Sripul u la mynsaw jur bad la pynkynriah noh ia u sha Hospital, ha kaba u dang don hapdeng ka jingshah sumar.
Ki heh ophisar ki iathuh ba u Premabaram u la kynnoh ba u la siat nyngkong ia u Head Constable Baghel hajan ka Quarter Guard shwa ba un siat ia u Sub-Inspector Yadav, uba la iathuh ba u la poi ban pynshisha ia ki kot ki sla. Nangta la kynnoh ba u la siat ia u ASI Sripul, ha kaba u la mynsaw jur.
Hadien katei ka jingshah thombor, la iathuh ba utei u constable, u la rung shapoh ka barrack bad u la khlad noh na ka jingmynsaw ba u siat hi ia lade.
Ki ophisar ba rangbah jong ka CRPF bad ki pulit ki la leit sha katei ka ktem hadien katei ka jingjia.La pynkhlain bha ia ka jingpahara, bad la sdang ia ka jingtohkit ban pynthikna ia ki jingjia kiba la pynlong ia katei ka jingia siat.
Ki heh ophisar ki la iathuh ba ka jingthmu jong katei ka jingjia kam pat shai bha bad ba ki jingtip ba bniah kin sa mih hadien ba la dep ka jingtohkit.
 kynthup ia uba la shah kynnoh ba u dei u nongsiat ki la iap bad uwei pat u la mynsaw jur hadien ba la don ka jingsiat hapoh ka ktem 34 Battalion CRPF ha Katimari, Nagaon district ha ka sngi Ba-ar.){kind=link}