Guwahati, Nailar 13: U President ka Assam Pradesh Congress Committee (APCC), u Gaurav Gogoi, u la iathuh ba ka Party ka la sdang ban ai jinghikai ia kumba 29,000 ngut ki Booth Level Agent (BLA) bad ka dang thung shuh shuh iaki briew ban peit bniah ia ki jingkynnoh leh thok ia ka thup nongthep vote, namar ba ka Sorkar Assam ka dang pynkhreh ia ka Special Intensive Revision of Elector Rolls (SIR).
U Gogoi u la ong ba ka Congress ka dang pynkhreh ruh ia ka kynhun ain ban iarap ia ki BLA ban ujor ia ki jingpyrshah iaka SIR.
Ka Congress ka la dep ban Registar haduh 28,880 ngut ki BLA bad ka dang don ha ka jingpynkhreh ban thung shuh shuh ha baroh kawei ka Jylla, u la bynrap.
U Gogoi ula ong ba u Nongialam ka Liangpyrshah ha Lok Sabha, u Rahul Gandhi u la ju pynkynmaw ia ki nongtrei ka Party ha ki jylla kiba don ha ka ilekshon ba kin trei shitom shuh shuh ban pynthikna ba kan ym don kano kano ka jingleh thok ha ka thup jong ki nongthep vote.
“Ngi la sdang ïa ka prokram ai jinghikai na ka bynta ki BLA. Ngi la pynkut ïa ka sien kaba nyngkong eh jong ka jingai jinghikai pyntbit. Ha kaba kut jong u bnai Nailur ngin pynlong ïa ka prokram ai jinghikai kaba shi taiew ha ki 35 tylli ki distrik” ula ong.
U Gogoi u la kdew ba ka jingpyntreikam ïa ka SIR ha Assam ka long kaba eh namar ka jingbun briew jong ka jylla, bad kynnoh ba ka Sorkar BJP ba la ïalam da u Himanta Biswa Sarma ka la pynjynjar shuh shuh ïa ka rukom treikam.
, u Gaurav Gogoi, u la iathuh ba ka Party ka la sdang ban ai jinghikai ia kumba 29,000 ngut ki Booth Level Agent (BLA) bad ka dang thung shuh shuh iaki briew ban peit bniah ia ki jingkynnoh leh thok ia ka thup nongthep vote, namar ba ka Sorkar Assam ka dang pynkhreh ia ka Special Intensive Revision of Elector Rolls (SIR).){kind=link}