Shillong, Nailar 13: Ka Border Security Force (BSF) Meghalaya Frontier, ryngkat ka jingiatreilang bad ki pulit ka Meghalaya bad palat 200 ngut ki nongshong shnong, kila sdang ia ka jingkhynra lang ha ka khlaw Majersora–Hathinala hadien ka jingioh jingtip kaba thikna ba kala don ka jingwan rungtuh jong ki runar kiba na ka ri Bangladeshi shapoh ka thain Bagli jong ka South West Khasi Hills district.
Ha ka 8 tarik u Naialr, ka kynhun ki runar kaba don 8–9 kiba wan rung be-ain shapoh ka ri India kila leit tur sha ka shnong Rongdangai, kila dung bad pynmynsaw ia uwei u nongshong shnong, pynjulor ia ki jingdon jingem bad thmu ban rahbor ia uwei u nongshong shnong.
Naduh ka 9 haduh ka 11 tarik u Nailar 2025, la shimkhia mardor da ki BSF bad ki pulit Meghalaya kaba la lam sha ka jingiohkem ia ki 4 ngut kiba la suba jur ba kidei kiba donkti ha katei ka kam runar bad la ioh ruh ban kurup ia ka Identity Card jong u pulit Bangladesh, ki Wireless Set, ki jingot waiar, ka pisa India bad Bangladesh, ki tiar kiba la suba ba kidei ki tiar pynbthei bad ki hatkari ne handcuffs.
Haduh mynta kila don 6 ngut ki runar kiba la shah kem.
Uwei na ki udei u Akram na Sherpur, Bangladesh, ia kaba la iohkem da ki nongshong shnong bad hadien ula khald noh hapdeng ka jingshah sumar namar ka jingjur jong ka jingmynsaw.
Da kaba bteng ia ka jingkhynra, ha ka 12 tarik u Nailar, ki shipai BSF ryngkat ka jingkyrshan jong ka kynhun K9, pulit ka Meghalaya na PS Gumaghat bad Ranikor bad ki Village Defence Party kila leit ban khang ia baroh ki jaka kiba lah ban lait phet bad kila ioh ban kurup ia ki tiar pynbthei kiba la shna hi.
Kane ka jingkhynra ka dang iai bteng ban iohkem ia ki runar kiba dang sah.
U Inspector General ka BSF Meghalaya Frontier u OP Upadhyay, dalade hi ula shimkhia ban khmih ia katei ka jingkhynra bad ula iaroh ia ka jingshlur bad ka jingiatreilang hapdeng ki shipai bad ki nongshong shnong.
Ula pynpaw ba ka BSF ka iengskhem ha kaban iada ia ki thain khappud jong ka ri India na kino kino ki jingma kiba wan na kiba shabar ka ri.
 Meghalaya Frontier, ryngkat ka jingiatreilang bad ki pulit ka Meghalaya bad palat 200 ngut ki nongshong shnong, kila sdang ia ka jingkhynra lang ha ka khlaw Majersora–Hathinala hadien ka jingioh jingtip kaba thikna ba kala don ka jingwan rungtuh jong ki runar kiba na ka ri Bangladeshi shapoh ka thain Bagli jong ka South West Khasi Hills district.){kind=link}