Itanagar, Lber 24: U wei u snar nongkhaii drok uba ki pulit kila thwet bha u Rohit Basumatary ha kaba iadei bad ki kam khaïi drug bad kiwei ki kam runar u la pynpaw ba u la ïoh ban thied ïa u drug na ki lehnoh na Dimapur kaba hap hapoh ka jylla Nagaland.
U Rohit Basumatary uba la shah siat na ki bynta jong ka kjat ha ka por ba ia siat mar kylliang bad ki pulit ka Arunachal ha surok Holongi, uba shah sumar ha RK Mission Hospital u la pynpaw shibun ki jingtip ha kaba iadei bad ka kam khaïi drok.
Ha ka jingtohkit ki pulit, u Rohit Basumatary u la pynpaw, “Nga la thied ia u drok na ki lehnoh na Dimapur bad kine ki briew ki ju pynkylla ia u number man ka por bad haba kwah ban thied drug na ki nga ju leit beit ha kawei ka jaka ban thied na ki bad haba leit sha katei ka jaka ia ki khmat la teh da ki jain bad ngim iohi eiei,” la ong u Basumata.
Shuh shuh u Basumata u la ong, “Ki ju thied ia u drug na ki bad kham bun sien Nga pynbiang ia u drok kham bunsien ki die pat ha nongbah Itanagar jong ka jylla Arunachal Pradesh bad u la pynpaw ruh ba mynshwa u la poi sha patok ha kaba iadei bad ka kam khaïi drug bad mynta lah shi snem u la leh ia kane ka kam ban die drok,”.
U Rohit Basumatary u dei u nong shong shnong na ka shnong Golaghat jong ka Assam.
Haba kren sha ki lad pathai khubor, u superintent of police (SP) ka Itanagar, u Rohit Rajbir Singh u la ong, “Ka jingeh jong u drok ka la jyllei bha ha kane ka jylla kaba la saphriang bha naduh Tawang haduh Longding bad ki nongshalan drok na kiwei pat ki jylla ki rung bad pynpoi ia u drok ha kane ka jylla jong ngi bad ka lynti Holongi la ju pyndonkam bha da ki nongkhaii drok.”
“Ka Holongi kam dei tang ka lynti ban pyndonkam ban khaii drug hynrei la pyndonkam ruh ban ia kylliang ia kine ki jingdih ba sniew bad ha kine ki ar bnai ba la dep ia kane ka jaka lapynlong kum ka kawei ka ktem ban ban ia khaii ia u drug namar ba ha kane ka jaka ym shym la buh camera bad kine ki nongkhaii hadien ba kila dep ia baroh ki kam ki kam ki leit phai noh biang na ki jaka ba ki wan” ong u SP.
Shuh shuh u SP u la ong, Ha kine ki shi bnai ar bnai kila leh ia shibun ki kam ban teh lakam halor u drug bad la ioh ruh ban kem ïa kiba bun ki nongkhaii drok ba kynthup ia u Rohit Basumatary uba la paw nam bha halor kane ka kam.
Ha ka jingtohkit ki Pulit kila shem ba ha kiba bun ki khep kila lap ba u Rohit Basumatary u don bynta ban khaii drug hapoh ka jylla bad la shem ruh ba la dep ban register 9 tylli ki mukotduma hapoh ka NDPS pyrshah ia u bad kila buddien la shi bnai tam ia u hynrei namar ka jingbym biang jong ka network mobile u la lait phet hynrei ha kane ka kynti ba mynta u la ngat ha ka shrip ki pulit ha ynti Holongi,” ong u SP Rohit Rajbir Singh.
Ha ka sngi Saitjain, ki pulit ka Arunachal Pradesh ki la kem ia u u Rohit Basumatary na Holongi kaba don hajan ka Itanagar katba u dang kit ban khaii ia u drok ha ka nongbah.
Katkum ka jing ong ki pulit, ia u Basumatary uba la shah thwet ha ki bun tylli ki kam ba iadei bad u drok ha Assam bad Arunachal Pradesh, u la shah bat hajan ka Sogo Resort hadien ba ki pulit ki la ioh jingtip.
U Basumatary, u la shah siat na ki bynta jong ka kjat katba u dang leh ia katei ka kam bad hadien ki pulit kila kem noh ia u bad ha katei ka jingjia ar ngut ki pulit ruh kila mynsaw.
