Tura, Lber 24: Ka A.C.H.I.K Krima Council mynta ka sngi Nyngkong kala khang khydep ia katto katne ki dukan bad kumjuh ruh ki kharkhana ha nongbah Tura, kiba khlem bud ryntih ia ki jingbthah jong ka tnad ka koit ka khiah bad trei kam khlem ki licence kiba biang.
Ki dukan kiba la shah khang khyrdep mynta ka sngi ka 24 tarik u Lber ki don haduh 146 tylli kiba don ha supermarket, ia kaba la kynnoh ba kila buh ia ki marbam ha painkhana bad kumjuh ruh ia kawei ka dukan bad ka kharkhana kaba don ha Nakham Bazar bad ha Gariamat la khang namar ka jingbym don licence kaba biang jong ka Food Safety and Standards Authority of India (FSSAI).
Ka Council kala pynpaw ba ki don ki trai dukan ki iai bteng ban plie beit ia ki dukan jong ki wat hadien ba la bthah ba ki dei ban khang tad haduh ba kin da ioh ia ki kot ki sla kiba biang kum ka licence.
Kane ka kynhun kan sa ia kynduh ia u Deputy Commissioner (DC) bad ban aiti ruh ia ki shabi ba kila khang ia ki dukan bad ban kyntu ruh ia ki bor pyniaid district ba kin leh eiei halor kane.
