Itanagar, K’Lyngkot 13: Ki Pulit ka Arunachal Pradesh kila ioh kem 6 ngut ki dkhot ka NSCN (IM) lem bad ki tiar siat bad ki kuli na ka thain Longding district.
Kine kiba shah kem ki kynthup u self-styled (SS) secretary ka Wancho region u Wangpang Wangsa, u SS major Photong Pansa, Janmai/Pannai, SS captain Mikgam, Longsah/Tapha Wangsa, SS sergeant Thangwang, Athang Wangsa, SS captain Alung Ngodam bad u SS lance corporal Jamgang Gangsa.
Hadien bala ioh jingtip ba don ki seng lehnoh, ki bor Pulit ka Longding police bad shipai kila pynlong ka jingkynra haki bynta ka shnong Longding town bad Niausa village bad ha kane ka jingkynra la ioh ban kem iaki.
“Haba tohkit, kila phla ba kila buhrieh iaki tiar ialeh. Ngi nga pynlong ka jingtalasi bad la ioh kurup 3 tylli ki MQ assault rifles, detonators, mobile phones bad ki synduk buh tiar ialeh na Knoknu bad Khasa” la ong ka khubor Pulit.
Kine kiba shah kem kila phla ruh ba ki don bynta ban dawa pisa lyngba ki shithi dawa pisa na ki tnat sorkar bad ki nongialam paidbah na ki district bapher bapher.
Ha u snem bala del, ka Longding district la sakhi ki kam rahbor bad ha u bnai Naiwieng 2023 u nongialam ka GB jong ka shnong Chop village ula shah rahbor daka sen NSCN (K) Ang Mai faction.
U nongialam shnong Chijgsan Wangham bad u GB Chopkhu Gangsa kila shah pyllait hadien ka jingshah rahbor palat shi bnai.
