Shillong,Risaw 28 : U Nongialam ka National People’s Party (NPP) bad Symbud Myntri Rangbah Bah Sniawbhalang Dhar ula pynpaw ia ka jingsngew artatienhalor ka lawei jong ka Congress party ha Meghalaya.
Haba kylli shaphang ka jingkyrmen ka Party bad la ka jingbujli nongialam ka dei kaba donkam ban pynim pat ia kane ka party bala rim bha, u Bah Dhar ula ong ba kane kam dei satia ka kam jong u ban kynthoh namarka dei ka kam pohiing jong kawei pat ka party.
“Ngam lah ban kynthoh ia ki kam pohiing jong kiwei pat ki party namar ki tip kham bha ban ia ngi la ka long kaba donkam ne em ban bujli nongialam” ong u Bah Dhar haba iakren bad ki nongthoh khubor.
Hynrei, ula bynrap ba ka i kum ka jingialeh kaba eh ia ka Congress ba kan dang neh ha Meghalaya. “Na kaei kaba nga iohi, kan dei kaba eh bha ia ka congress ba kan dang neh ha Meghalaya. Hynrei ngin ong aiu ia ka kam jong kiwei pat ki party”.
U Bah Dhar ula kynthoh shuh shuh da kaba ong “Ngim lah ban ong, hynrei la I kumba ki paidbah kila thait ia kane ka party, bad ka lah ban dei ruh ba ki briew kila ngiah ia ki nongialam jong ki. Ki paidbah ki dei ki nongbishar kiba dei. Ngim don eiei ban kynthoh ia kiwei pat ki party”.
Haba iadei bad ka jinglah jong ka NPP ban khring ia u Bah Vincent Pala ban wan iasoh noh sha ka party, u bah Sniawbha ula ong “Ia mynta hi, ngim pat iakren iano iano ruh namar ka elekshon ka dang jngai bah”.
 bad Symbud Myntri Rangbah Bah Sniawbhalang Dhar ula pynpaw ia ka jingsngew artatienhalor ka lawei jong ka Congress party ha Meghalaya.){kind=link}