Artatien ba ki Party Riewlum kin ioh ia ka jingjop ba bun eh ki MLA : SD Khongwir

Date:

Share post:

Shillong, Jylliew 16: U radbah ka sain hima sima ba pawkhmat ka Jylla Bah S.D Khongwir, ula pynpaw ia ka jingartatien ba ki seng riewlum ka Jylla kin ioh ia ka jingjop ba bun eh ki MLA (Single Largest Party) ha ka elekshon MLA  ha Jylla ban long ha u snem 2023.

U Bah S.D Khongwir uba dei uwei na ki Nongseng ka United Democratic Party (UDP), ula ong ba ka jingeh jong ki party riewlum hi ka dei  ka jingbym don ia ka ktem (base) ha Ri-lum Garo.

Une u MLA barim ka Mawlai, ula ong ba naduh u snem 1972 haduh mynta mynne, tang ka seng riewlum HPU kaba la ioh ia ka jingjop ba don burom tam na Ri-lum Garo ha ka elekshon 1988 da ka jingioh haduh 10 ngut ki MLA. 

“Lait na ka APHLC, pat ju don ki party riewlum ban ioh ia ki jingjop na Ri-lum Garo lait noh tang ki party riewlum ba mih na Ri-lum Garo hi” ula ong.

“Kane ka dei ka jingeh jong ki seng riewlum khamtam kiba mih na Ri-lum Khasi ba kin ioh ia ka obsalute majority ha ki elekshon jied nongmihkhmat sha ka Iingdorbar thaw ain ka Jylla kynthup ka UDP kaba dei ka seng riewlum ba heh duh ha ka Jylla” ong u Bah Khongwir.

“Ha baroh kine ki snem bala leit noh,ka Ri-lum Garo hi ka ju jied beit iaka Congress ne ki party kiba dei napoh ka thain lait noh ha u snem 1988” ula bynrap.

Namar kata, u ong ba ka UDP ha kane ka kynti ruh kan mad ia ka jingeh ba kan long ka single largert party (ba jop bun eh ki MLA) bad bynrap “Ha ka jingpeit jong nga hi, nga ikop ba ka UDP kan dei ka party ba wan ba-ar ha ka jingbun paid ki MLA (second largest party) bad kan shu iai pynap ba kan ioh iadonlang ha ka sorkar synrop”. 

Haba kylli ia ka jingthaw sorkar tang ki seng riewlum, u Bah Khongwir ula ong “Ngam i don satia ka lynti kaba kum kata”.

“Nga pynkynmaw ia phi ba naduh u snem 1972 ter ter,  dei beit ki seng riewlum kiba la ioh ban thaw ia ki Sorkar hapoh ka Jylla kynthup ka sorkar lai lama ha u snem 1988 hynrei na ka jingia kyntiap seng jong ki MLA, kala plie lynti ia ka Congress ban ioh thaw Sorkar kynthup ia ka Sorkar u Cpt Williamson Sangma bad Purno A Sangma” ula ong.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...