spot_img

Iap 2 ngut ki khynnah ha Assam na ka jingtwa khyndew ba lynshop u slap

Date:

Share post:

Guwahati, Jylliew 16:Ha ka jingjia ka ba sngew myllung, arngut ki khynnah rit ki la shah tep im na ka jingtwa khyndew hapoh Goalpara district ka Assam, kata hadien ba ka jingther  jong u ‘lapbah ka la wanrah ia ki jingtwa khyndew ha kane ka jaka hynne ka step.

Katkum ki khubor la ong ba ka kynroh jong ka iing ka la khyllem noh namar ka jingtwa khyndew ka ba la tep im ia kitei ki arngut ki khynnah ki ba dei shi para. Na ka liang ka kynhun jong ka tnat Disaster Response Fund (SDRF) ka jylla ki la lapdien ia ki met iap jong kine ki arngut na katei  ka jaka ka ba la twa.

Kat haduh mynta ki la don kumba hynriew ngut ki briew ki ba la duh ei la ka jingim na ki jingjia twa khyndew ha ki bynta bapher bapher ka  Assam naduh kine ki lai sngi ba la dep.Kane ka jylla ka la rejistar haduh 44 tylli ki jingiap namar ki jingshlei um bad ki jingjia twa khyndew mynta ka snem.

Namar ka jingjur slap, kawei ka iing ha Kamakhya ha Guwahati ka la shah pynjulor bad ngat ha ka jingtwa khyndew hynne ka step.Ha kane ka jingjia uwei u briew ia u ba la tip kyrteng kum u Moni Dutta u la mynsaw jur katba kawei pat ka iing ka ba dei jong u Mandeep Mazumdar ka la shah pynjulor noh.

Ha kane ka sngi Balang ba la lah, uwei u briew u la khlad noh katba arngut kiwei pat ki la mynsaw hadien ba uwei u dieng u la khyllem bad ban ia kawei ka  auto-rickshaw hajan Karimganj fire services station.Shi bynta ban tehlakam ia ka jinglong jingman bad khnang ban pyllait na ka jingma ka ba kham shyrkhei, na ka liang ki bor district ki la pynbna shuti na ka bynta baroh ki jaka pule hynne ka sngi, kata lait noh ha ka ba iadei bad ka jingpynlong ia ki eksamin ki ba la dep iaid.

Ka jinglong jingman ha ka jylla ruh ka dang iai don ha ka jingma ka ba khraw namar ka jingsakhi ia ka jingjur slap ka ba dang iai bteng.Katkum ka kaiphot ba man ka sngi da ka tnat  State Disaster Management Authority (ASDMA) ka Assam, kane ka jingshlei u ka la ktah ia kumba 314 tylli ki shnong ha ki 18 tylli ki district jong ka jylla

Katkum ka ASDMA, kine ki 18 tylli ki district ki ba la shah ktah ki kynthup ia ka Bajali, Baksa, Bongaigaon, Chirang, Darrang, Dhemaji, Dibrugarh, Dima-Hasao, Goalpara, Hojai, Kamrup, Kamrup (M), Kokrajhar, Lakhimpur, Majuli, Nalbari, Tamulpur, Udalguri Kamrup, Kamrup (M) bad Nalbari.Ka kaiphot ka la ong ruh ba tad haduh ka jan miet sngi Balang ba la lah haduh kumba 10,851 ki khynnah napdeng ki  74,116 ki nongshong shnong ki la shah ktah ha ka jingshlei um.

 

Share post:

spot_img
spot_img

Popular

More like this
Related

Beh shnong lut ka Erpakon ia ki bar jylla ba trei bylla ne sahwai ha Shnong

Nongpoh, Jymmang 22: Ka Dorbar Pyllun jong ka Shnong...

30% of BJP supporters in South Shillong averted to vote ‘out of anger’: says Sanbor Shullai

SHILLONG, MAY 21: BJP legislator from South Shillong Sanbor...

U drok bad ka shongkha pathar ki daw bah ka jingpang Ñiangkulia: MACS

Nongstoiñ, Jymmang 21: Ka Meghalaya State Network of Positive...

Iakynduh ka HYC ia ki bor District ka WKH ba la jyllei u droks hapoh ka District

Shillong, Jymmang 21: Ka Hynniewtrep Youths Council (HYC) West...
spot_img