Guwahati, Jylliew, 16 : Ki myntri rangbah jong ki ba bun ki jylla ka thain shatei lammihngi ka ri ha ka sngi Balang ba la lah ki la pyrto halor ka rai jong ka sorkar pdeng ban pyntreikam ia ka skhim ‘Agnipath’ na ka bynta ka jingpynrung kam ia ki samla hapoh ki tnat shipai jong ka ri.
U CM ka Assam u Himanta Biswa Sarma bad u CM ka Manipur u N.Biren Singh ki la pynbna ruh ba kito ki samla ki ba la shah jied lyngba kane ka skhim ia ki ba yn tip kum ki ‘Agniveers’ ia ki ba yn pynrung hapoh ka tnat shipai ryngkew, shipai duriaw bad shipai suin na ka bynta ka jingiateh kontrak kaba saw snem lyngba kane ka skhim ‘Agnipath’ , kin ioh ruh ia ka bhah ka ba kyrpang ha ki kam pulit ha ka jylla.
Na ka liang u Sarma u la ai ka jingkyrshan ka ba pura halor kane ka skhim da ka ba ong ruh lyngba ka twitter : “U PM Narendra Modi u la pynbna ia ka skhim ‘Agnipath’ ka ban plie lad plie lynti na ka bynta na ka bynta ki samla ba kin ioh rung ha ki kam shipai.U la ong ba ki ‘Agniveers’ ki ban wanphai hadien saw snem jong ka jingshakri hapoh ki tnat shipai kin ioh ia ka bhah ka ba kyrpang ha ki kam pulit ha ka jylla Assam.
Adarniya PM Shri @narendramodi ji has announced a pathbreaking scheme ‘Agnipath’ for recruitment into Armed Forces.
Agniveers who will return after 4 years of service in the Armed Forces will be given special preference in Assam Police recruitment. pic.twitter.com/5SoX1xQ2cR
— Himanta Biswa Sarma (@himantabiswa) June 15, 2022
Kumjuh u CM ka Manipur u N.Biren Singh u la ai ka jingiaroh halor kane ka skhim ka ba thymmai da ka ba pynapw lyngba ka twitter da ka ba ong: “Ha ka jingpyrshang ka ban pynlong ia ka tnat shipai ka ba kham iphuh iphieng bad i samla, ka skhim Agnipath kan plie ia ki jingkhang na ka bynta ki samla ba kin pyniasoh ia lade sha ka tnat shipai kum kum ‘Agniveers.’
Kine ki Agniveers ki ban wanphai lyngba kane ka skhim ‘Agnipath’ kin ioh ia ka bhah ka ba kyrpang ha ka tnat pulit ka jylla, kata ha ka jingpynrung kam hapoh ka tnat Manipur Rifles (India Reserve Battalion).
In a move which’ll make our armed forces more youthful, the Agnipath scheme will open the doors for the youth to join the country’s premier armed forces as #Agniveers
Agniveers returning from ‘Agnipath’ scheme will be given preference in the State Police/ MR/ IRB recruitment.
— N.Biren Singh (@NBirenSingh) June 15, 2022
“Ngi sngewkmen shibun halor kane ka prokram ‘Agnipath’ ka ba don ia ka nongrim ka ba skhem na ka bynta ban plielad ia ki samla ha ki kam shipai na ka bynta 4 snem kynthih.Ka burom ka leit sha u PM Narendra Modi bad u Myntri Iada ri u Rajnath Singh halor kane ka kabu na ka bynta ki khynnah samla bad ka India ka ba phyrnai,”pynpaw u CM ka Arunachal Pradesh u Pema Khandu lyngba ka twitter.
#Agnipath – 46,000 Agniveers will be recruited this year, and the rallies for it will start in 90 days. The scheme is designed to ensure that our Armed Forces have a younger, fitter, diverse profile for facing future challenges. #BharatKeAgniveer @PMOIndia @ArunachalCMO
3/4 pic.twitter.com/c2tu4qZE6z
— Pema Khandu པདྨ་མཁའ་འགྲོ་། (@PemaKhanduBJP) June 14, 2022
Ha kawei pat ka jingpynpaw lyngba ka twitter, u Khandu u la ong : “Ki don haduh 46,000 ngut ki Agniveers ia ki ba yn pynrung mynta ka snem, bad ka jingpynlong ia ki rally halor kane kan sdang noh ha kine ki 90 sngi ki ban wan.“La pynwandur ia kane ka skhim ban pynthikna ba ka tnat shipai jong ngi kan don ia ki shipai ki ba dang khie dang san, ki biang nadong shadong bad ki ban lah ban ialeh pyrshah ia ki jingeh ba bunjait ki ban wan hadien habud,” ong shuh shuh u Khandu.
Ha ka sngi ba Ar ba la lah, u Myntri Iada ri u Rajnath Singh u la plie ia ka ‘Agnipath scheme’ ka ba dei ka jingiateh kontrak ha ka jingpynrung kam shipai ka ba shipor, kata ka ban bteng haduh saw snem hapoh ki laitylli ki tnat shipai jong ka ri, kata hapoh ka tnat shipai ryngkew, duriaw bad shipai suin.
