spot_img

Pynsangeh ka MCCLEU ia ka jingiakhih ba pan por ka sorkar

Date:

Share post:

Shillong, Jylliew 16: Ki nongtrei ka Mawmluh Cherra Cement Limited (MCCL) hapoh ka lama jongka Mawmluh Cherra Cement Employees Union (MCCEU) ha ka sngi palei, ka la shim iaka rai ban pynsangeh shwa shipor ia ka jingiakhih ka jongki hadien ba ka sorkar jylla ka la pan por shi taiew ban pynurlong ia ka jingdawa ka jong ki.

U President ka MCCEU Bah Shanlang Diengdoh ula iathuh ba ka jingialang ba kyrkieh jong ka MCCEU ka la mynjur ia ka jingpan por jong ki bor khmih ka MCCL bad kumta ka la rai ban pynsngeh shwa iaka jingiakhih kaba la iaid mynta 3 sngi.

U Bah Shanlang u la iathuh ba ha ka jingialang bad ki bor pyniaid jong ka MCCL kila ai ka jingkular ban ai ia ka jingiarap pisa (Financial Assistance) kaba man la ka 3 bnai kaba kot sha ka .1 klur tam shi bnai..

Ha kaba iadei bad ka jingthmu ka sorkar jylla ban aiti ha ki company shimet ban pyniaid iaka MCCL, u President ka MCCLEU ul ong “Ka Union kan ym tuklar eiei halor katei ka bynta hynrei kan khmih ba kane ka jingaiti kam dei pat ban ktah iaka bha ka miat jong ki nongtrei ka MCCL”.

Ha kaba iadei bad ka jingai Voluntary Retirement Scheme, u Bah Shanlang ula iathuh ba ka sorkar kala pan iaki kyrteng jong ki nongtrei kiba kwah ban shim VRS ne ban shongthait noh na ka kam kaba ki trei.

 U Bah Shanlang u pyntip ba k bor khmih ka MCCL kala pynbeit ban sa don biang ka jingia lang bad ka MCCLEU ha ka taiew ban wan ban iakren pynbeit bha ia ki kam ki jam baroh.

“Ngin ap ia kane ka jingialang bad ia ka rai kaba mih na ka hynrei lada kam poi shano shano ruh, ka Union kan sa lum jingialang ban shim ia ka rai halor ka sienjam nangne shakhmat” ula ong.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img