spot_img

Aplai Scholarship | Ujor ka KSU-EJH sha u DC ba pynslem ka Ophis ban ai ia ki Income Certificate

Date:

Share post:

Shillong, Risaw 25: Ka KSU Education Cell-East Jaintia Hills ha ka sngi Thohdieng kala leit iakynduh ia u Deputy Commissioner ka East Jaintia halor ka jingpynslem ban ai ia ka Income Certificate sha ki khynnah ba aplai bai bam (Scholarship) hapoh ka district.

Ka KSU hapoh ka jingialam u Assistant Education Secretary Samla Benito Suja kala pynpaw iaka jingbynniaw halor ka jing pynslem ban ai ia Income Certificate kaba shimpor haduh artaiew tam watla ka kam ka dei kaba shimpor tang shisngi ne arsngi.

Kila pynkynmaw ba mynshwa, ka rukom aplai ia ka scholarship ka donkam tang iaki Affidavit Income na ki nongiasaid aiñ bad ka long kaba suk ban thep iaka scholarship hynrei mynta u snem bad ki bnai ba la leit, ka sorkar lyngba ki bor pyniaid district kala pynmih hukum ba ia ka Income Certificate yn hap ioh na DC ba la soi da ki majistor.

Kala ong ba kane ka hukum ha ka jaka ban pynsuk ia ki khynnah, kala long pynban ka jingpynsaja bad jingpynlynga namar ka jingpynslem, kaba pyntieng iaki khynnah ba ioh ki duh ban aplai iaka scholarship.

Ka seng kala dawa ban dei ban wad ia ki lad lynti bad ai jingmut ba dei ban pynbun iaki nongtrei ki ban khmih ia kane ka kam.

Ki nongialam ka KSU kila pyntip ba na ka liang u DC, ula ong ba un sa bthah ia ka shnat ba dei peit ia kane ka kam ban pynduna noh ia ki kyndon ban applai khnang ban suk ban ioh kloi ia ki Income Certificate ba donkam ki khynnah.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...