Shillong, Jymmang 14: Ka tnat Social Welfare kala dep ithuh iaka kyrteng ban thung Chairperson ba thymmai jong ka Meghalaya State Commission for Women (MSCW).
Ia kane la pyntip da u Myntri ka tnat Social Welfare u Bah Paul Lyngdoh bad ula pynksan baka jingslem kadei namar ba dang treikam ka Model Code of Conduct (MCC) jong ka elekshon Lok Sabha 2024.
U Bah Paul ula iathuh ba ka tnat kala dep ruh ban iasyllok bad u Myntri Rangbah ka Jylla halor ka kyrteng jong ka Chairperson thymmai ka MSCW hynrei namar ka MCC, ka Sorkar kam pat lah ban sei paidbah iaka kyrteng.
“Kam don ka jingpynslem, iaka kyrteng la dep ban mynjur, ka briew bala shah jied ruh kala mynjur ban shah thung Chairperson thymmai jong ka MSCW hynrei namar ba dang iaid ka MCC, ka Sorkar Jylla kam pat lah ban pynbna paidbah” la ong u Bah Paul.
