Shillong, Rymphang 01 : U Myntri Rangbah ka Jylla Conrad K Sangma hynne ka sngi Palei, ula pyllait bad aiti ia ki 207 tylli ki kali kit niut ba iaid da ka bording elektrik (e-Vehicle), sha ki Block bapher bapher jong ki 4 tylli ki District ka Ri-lum Khasi bad Jaintia.
Kine ki kali ki dei kiba la mang na ka bynta ki Block ka East Jaintia Hills, West Jaintia Hills, East Khasi Hills bad Eastern West Khasi Hills.
U Myntri Rangbah ula pyllait ia kine ki kali ha ka jingiadon ryngkat u Symbud Myntri Rangbah Bah Sniawbhalang Dhar, Myntri ka Koit ka Khiah Kong Ampareen Lyngdoh, Myntri ka tnad PHE Marcuise N Marak bad kiwei kiwei.
The waste collection e-vehicles are not only good for the environment but are a measure to tackle waste and pollution.
I encourage the community members to use the vehicles to further cleanliness in their villages and work together to ensure a Swachh Meghalaya. @narendramodi… pic.twitter.com/u60UFh6I7G
— Conrad K Sangma (@SangmaConrad) February 1, 2024
Haba ai jingkren, u Myntri Rangbah ula ong ba ka thong jong ka Swachh Bharat Mission (Grameen), kaba dei ka National Flagship Programme ka Sorkar India, ka long ban pynlong ia baroh ki shnong kum ki shnong ba khuid bad ba la don lut ia ki painkhana.
“Mynta ka Jylla tang ha ki khyndai bnai kala kot haduh 84.33% n aka 10% ha ka ODF plus. Kane ka urlong namar ka jingaiti bad jingkut jingmut jong ka Sorkar bad ka Tnad ban trei kat kaba lah ha kaban kynjoh ia ka thong ban long kawei na ki 10 tylli ki Jylla ba hakhlieh duh jong ka Ri” ula ong.
Ula ong ba ka ingsam ia ki kali e-vehicle sha ki shnong bapher bapher ka dei ka sienjam ba shakhmat ban pynthikna b aka Sorkar ka treikam ha ryngkat ka jingiashimbynta lang jong ki Shnong ki thaw. “Shisien ba ngi iatreilang bad ki Shnong ki Thaw bad da ka jingmut kaba skhem, ngin sa iohi ia ki jingkylla ba kin wan” ula bynrap.
U Myntri Rangbah ula pynbna ruh ba ha ba sdang jong kane ka quarter ba mynta, yn sab uh ia kawei ka sngi ha kaba ka Sorkar bad ka imlang shalang kin iamih ban iapynkhuid ia ki sor bad ki shnong ki thaw.
“Haba pynsdang naduh une u snem mang tyngka ba mynta, man k alai bnai, ha baroh ki District, Block bad ki Shnong, ka Sorkar lem bad ki Nongshongshnong kin iamih ban pynthymmai ia ka jingkut jingmut ban pynneh ia ka jingkhuid jong ka Sor bad ki shnong ki thaw” ula ong.
Na ka liang u Myntri ka PHE ula pyntip ia ka plan jong u snem 2024-25 ba kynthup ia ka jingkynjoh ia ka 100% ODF plus, da kaba pynshna ia ki painkhana ia ki 1,10,240 tylli ki Longiing lem bad 1553 kiba ioh ia ka skhim PMAY, ban shna ia 570 tylli ki Community Sanitary Complex Unit, ban buh ia ka Plastic Waste Management Unit ha kylleng ka Jylla bad kiwei kiwei.
La pyntip ruh ha kane ka sngi ba ia kum kane ka prokram yn sa pynlong ruh na ka bynta ka Ri-lum Garo.
