Shillong, Risaw 23 : Ka Khasi Hills Autonomous District Council (KHADC) kala aiti ia ka Wah U Tim View Point sha ka Hima Mawlong ba kan pyniaid ia kane ka jaka jngohkai, pyntip u Executive Member Pynkhrawborlin Kharjahrin ha ka sngi Palei.
U bah Kharjahrin uba khmih ia ka Council Assets, ula iathuh ia kane haba jubab ia ka jingkylli bala wanrah da u MDC ka Shella Constituency Bah Barikupar Synrem.
U Bah Kharjahrin ula ong ba ka jingshna ia ka Wah U Tim View Point kala jan dep artad bad kumba 97% na ka kam kila dep. Ki kam ba dang sah ki kynthup ia ka madan ialehkai ki khynnah, ka jingpyn itynnad ia ka jaka bad ki kam barit baria, kiba dang iaid mynta.
“Satang 3% ka kam ka dang sah ban pyndep ha Wah U Tim View Point bad baroh kine yn sa sa pyndep hadien ka jingplie ia kane ka jaka jngohkai” ong u Bah Kharjahrin.
Ula ban jur ba ka Executive Committee ka KHADC kala shim ia ka rai ban peit thuh ia ka project bad ki skhim jong ka District Council ban pynthikna ba ki dei ban dep hapoh ka por bala buh.
Ha kajuh ka por, u Executive Member Bah Powell Sohkhlet uba khmih ia ka Elaka, ula pyntip ba ka KHADC kam don bor satia ban ai No Objection Certificate (NOC) sha ki karkhana coke hapoh ka kyndon 4 (1)(i) bad kyndon 12(2) jong ka KHAD (Regulation and Administration of Land) Act 2021.
U Bah Powell ula pyntip ia kane haba jubab ia ka jingkylli bala wanrah da u MDC ka Mawshynrut Constituency Bah S Rashir.
 kala aiti ia ka Wah U Tim View Point sha ka Hima Mawlong ba kan pyniaid ia kane ka jaka jngohkai, pyntip u Executive Member Pynkhrawborlin Kharjahrin ha ka sngi Palei.){kind=link}