-->

Aipor shitaiew ka HYC ia ka NEIGRIHMS ban pyntreikam ia ki mat jingdawa

Date:

Share post:

Shillong, Lber 24: Ka Hynniewtrep Youth Council (HYC) kala ai por 7 sngi ia ki bor pyniaid ka North Eastern Indira Gandhi Regional Institute of Health & Medical Sciences (NEIGRIHMS) ba ki dei ban pynurlong ia ki saw tylli ki mat jingdawa ba kynthup ia ka jingpynbeit thymmai ia ka thup lait kam da kaba mang 7.5% (8 seat) na ka bynta ki ST.

Kat kum ka shithi jong ka HYC kaba la phah sha u Director of NEIGRIHMS, ka HYC kala kynnoh baka NEIGRIHMS ka la pynkhein ia ka ST reservation policy bad ong ruh ba tang ar seat napdeng ki 107 tylli ki kam ba lait na ka bynta ka Posts of Nursing Officer la mang sha ki Scheduled Tribe (ST) ha ka jaka ka bhah 7.5% na ka bynta ki ST kaba long 8 seat.

Halor kane, ka HYC ka dawa ban pynkylla mardor ïa ka thup lait kam bad ban mang 7.5% (8 tylli ki seat) na ka bynta ki ST, kumba la bthah da ka aiñ, bad ruh ban pynthikna ïa ka jingbud ryntih 80: 20 ia ki kynthei bad shynrang kumba leh da ka AIIMS bad kiwei kiwei ki jaka pule.

Shuh shuh ka HYC kala kyntu ban shim ia ki sienjam ban pynbeit mardor ban weng ia ki jingeh ba la pynpaw da ma ngi haneng da kaba pynmih ia ka jingpynbna bala pynbeit thymmai hapoh hynniew (7) sngi kaba sdang naduh mynta ka sngi bad lada bakla ia kane, ngim don lynti shuh da kawei hynrei ban pynlong da ka jingiakhih paidbah ha kane ka jaka.

Ka HYC kala maham tyngeh ruh da kaba ong, “ Lada ia kine ki mat jingdawa ym lah ban pynurlong, kin sa pynlong da ka jingiakhih bad kin ym shim ia ka jingbah khlieh lada mih kano kano ka jingjia”.

Kiwei pat ki mat ba la pynpaw da ka HYC ki kynthup ïa ka jingkynnoh ba lehkiar ia ki briew ka thaiñ, ka jingbteng ban jied biang ïa ki nurse shynrang na Rajasthan bad kiwei kiwei.

Share post:

-->
spot_img

Popular

More like this
Related

Kam u MDC ka VPP ba ka ktien ‘Hindi’ dei ka National Language ka India ha Dorbar KHADC

Shillong, Risaw 23 : Ka jingkynthoh u MDC ka...

KHADC urges govt to amend building byelaws to help low-income families

Shillong, Oct 23: The Khasi Hills Autonomous District Council...

FKJGP demands JHADC members resign over Lapangap issue

Shillong, Oct 23: Federation of Khasi Jaintia and Garo...

Ujor ka KSU sha u DC ba suba wan wad uranium ka GSI ha 13 tylli ki shnong ka SWKH

Shillong, Risaw 23 : Ka Khasi Students’ Union (KSU)-South...