Shillong, Naiwieng 04 : Ka Committee u Justice (Retd) BP Katakey, kala ai jingmut ban pynpra ia ki 33 tylli ki karkhana coke beain kiba don ha East Jaintia Hills bad West Khasi Hills District hapoh ka shitaiew.
“Ka jingbym pynpra ia kum kine ki karkhana coke ba beain kala nang pynbun ia ka jingpyndonkam ia ki marpoh khyndew kum u dewiong uba mih na ka jingtih beain ha ka Jylla bad kumta, ka long kaba donkam ban pynpra noh mardor ia kine ki karkhana” ong ka Committee ha ka interim report ba 33 bala aiti sha ka Iingkashari Meghalaya High Court.
Ka ong ba wat hapdeng ka jingai jingthoh, ym shym la pyntip satia sha ka Committee haba iadei bad ka jingpynpra ia ki 33 tylli ki karkhana coke beain (16 tylli ha East Jaintia Hills bad 17 tylli ha West Khasi Hills District).
Ia kane ka jingai jingmut ka Committee la pynshong nongrim halor ka hukum ka Iingkashari Supreme Court ba pynmih ha ka 25 tarik Naiwieng, 2024, kaba bthah ban pynpra ia ki karkhana ki bym iaid kat kum ki kyndon ain bala buh.
Ka Meghalaya State Pollution Control Board (MSPCB) kala pyntip ba 9 tylli ki karkhana cike ha West Khasi Hills ki dei ki bym treikam, katba 17 tylli ki karkhana kim shym lah ban pynbiang kat kum ki kyndon bad kine ruh kim shym la treikam.
“Ngi ai jingmut ba dei ban pynlong ia ka jingjurip da ka MSPCB ha man ka lai bnai ban pynthika ba ym dei ban mih ki karkhana coke beain” ong ka Committee.
La bthah ia ka Sorkar Jylla ba kan aiti ia ka kaiphod ia kaei kaba ka leh halor kane ka kam hapoh ka shitaiew. Ka MSPCB bad ka Tnad Mining & Geology ki donkam ban aiti ia ka kaiphod ba pyni ba kila leh eiei ha man ka lai bnai.
 BP Katakey, kala ai jingmut ban pynpra ia ki 33 tylli ki karkhana coke beain kiba don ha East Jaintia Hills bad West Khasi Hills District hapoh ka shitaiew.){kind=link}