Nongpoh, Jylliew 30: Ka long shisha ka khubor kaba ai mynsiem ia ki paidbah nongshong shnong ka them Ri Bhoi District bad wat ia ka jylla hi baroh kawei, ha kaba kawei ka Hospital shimet kala lah ban ai ia ka jingkoit ia iwei I Khunlung iba don ia ka jingpang khyllai tang mar iakha.
Kane ka Hospital ka dei ka Bethany Outreach Hospital, Nongpoh kaba la sumar ia iwei I Khunlung ba dang shu kha ha ka 30 tarik Jymmang ha Nongpoh Civil Hospital.
Ine i Khunlung ha ka sngi ba kha, im shim la iam mar ia kha ia i kaba la kdew shai ba i ne i khunlung i don hapdeng ka jingshitom kaba kham shyrkhei, kumta la pynkynriah noh marmar sha Bethany Outreach Hospital ban ioh ia ka jingsumar kaba paka bad ka jingkhmih na ki doctor kiba la kham shemphang.
Hadien ba la poi ha Bethany Hospital, ki doctor ki la khmih bniah ia i ne i khunlung bad la lap ba I don hapdeng ka jingshitom kaba jur ha u khyllai bala tip kum ka HIE Stage II (Hypoxic Ischemic Encephalopathy) bad ka jingmong ha u khyllai.
Ki doctor hadien ka jingiohi ba la donkam ban sumar noh mardor ia kane ka jingpang, hadien ka jingmynjur lang kiba haiing hasem, kila pynlong ia ka operation kaba la tip kum ka peritoneal dialysis hapoh ka jingpeit khmieh u Dr. D. Ranee, Consultant Paediatrician jong ka Bethany Hospital lem bad ki nongtrei jong kane ka hospital.
Kane ka jingsumar ka long kaba jop bad i ne I khyllung I la sdang ioh jingkoit bad ruh la ioh ban mih noh na kane ka jaka sumar bad ka jingkhmeh ia ka koit ka khiah jong I ka dang iaid shakhmat.
