spot_img

Ai jingithuh ka CAHO ia ka Bethany Hospital kum ka jaka sumar ba biang tam

Date:

Share post:

Shillong, Iaiong 07 : Ka Bethany Hospital, Shillong kala ioh ia ka jingithuh kum ka Centre for Quality Promotion da ka Consortium of Accredited Healthcare Organisation (CAHO), India.

Kane ka jingai jingithuh kala buh ia ka Bethany Hospital kum kaba nyngkong eh ha ka thain Shatei Lam Mihngi bad kaba 37 na ki Hospital hapoh ka Ri India, ban ioh ia ka jingithuh halor ka jingthrang ban ai ka jingshakri kaba paka tam bad ka jingshngain ia ki paid nongpang.

Ia kane la pynbna ha ka International Healthcare Conclave ba arsngi, kaba long ha Kolkata, ia kaba la pynshongkun da u Lat ka Jylla West Bengal Dr CB Anada Bose.

Kum ka jaka sumar ba beh ia ka rukom sumar kaba paka, ka Bethany Hospital kala buh ia ka mishon ban kyrshan bad pyntreikam ia ki kyndon bala buh da ka National Accreditation Board of Hospital & Healthcare Provider (NABH) bad ka National Accreditation Body for Testing and Calibration Laboratories (NABL) hapoh ka thain.

U Dr. Kyntiewlang Sanmiet, Quality Manager & Nongaiktien jong ka Bethany Hospital ula ong “Ka dei ka burom ia ka Bethany Hospital ban ioh ia ka jingithuh ha ka CAHO kum ka Centre for Quality Promotion. Ka jingaiti jong ngi ha ka jingsumar ba paka bad jingshngain ki nongpang ka dei ka nongrim ha ka rukom treikam jong ngi. Kane ka jingithuh ka long kum ka jingai sakhi ia ka jingaiti ba khlem sangeh jong ngi sha ka jingsumar ba janai bad ka jingnang bun ki nongpang ba ioh jingkoit”.

Ha kane ka conclave la wan iashimbynta da ki nongialam ba pawkhmat ha ka koit ka khiah hapoh ka Ri bad ka pyrthei ba kynthup ia u Kresimir Antonio Paliska, Senior Vice-President bad CEO,AACI America, Dr Joel A Roos Vice President, Joint Commission International (JCI), Mr Manvir Victor Board Member – Global Advisory Group ka World Health Organisation, Dr Shin UshiroExecutive Board Member, Japan Council for Quality Health Care (JQ), Dr M A Kadar MarikarFormer CEO, Malaysian Society for Quality in Healthcare, Mr Abraham Fenn Chairman & President, New Zealand Organisation for Quality (NZOQ); President, Asia Pacific Quality Organization (APQO), Mr. John Yoon, Managing Director, Asia Pacific, JCI, Dr Atul Mohan Kochhar Chief Executive Officer, National Accreditation Board for Hospitals & Healthcare Providers (NABH), Padma Shri Dr Mammen Chandy, Padma Shri Dr Harsh Mahajan, Dr Alexander bad kiwei kiwei.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...