Nongpoh, Iaiong 07: Ka Khasi Students Union (KSU)-North Khasi Hills, kala khot ia ki samla pule kiba la pyndep ia ka klas XII ba kin wan sha ka Free Coaching Class jong ka Seng, ba kin pynkhreh ia ka eksam Common University Entrance Test (CUET) ban ioh rung klas ha ki College.
Kane ka jingkhot kala mih na ka Tnad Education Cell jong ka KSU-NKH haba iohi ia ka jingdonkam jong ki samla pule ban iakhun ia ka eksam CUET na ka bynta ban ioh rung pule ha ki College kiba pyniasoh bad ki Central University, ha Jylla ne shabar ka Jylla ruh
haba kren sha ki lad pathai khubor, u General Secretary ka KSU-NKH samla James Hitler Mawphniang, u la ong ba kum ka seng kala pynkhreh ban ai jinghikai ei ia ki samla kiba pynkhreh ban ïakhun ïaka CUET Exam naka bynta ki Under Graduate ha ka jingïatreilang ryngkat bad ka El Elyon Institute kaba don ha Nongpoh Town Shopping Complex.
U la ong ruh ba kum ka seng kala shim ia kane ka sienjam namar ka eksam CUET kaba la pynlong da ka National Testing Authority (NTA), ka dei kaba dang thymmai ia kaba bun ki samla ki donkam ban ioh ia ka jingbtin lynti ba kin tip kumno ban pynkhreh ia ka eksam.
Ka KSU-NKH ka pyntip ba ïaki form la pynlait naduh ka 6 tarik Iaiong haduh ka 19 tarik Ïaiong 2024 bad ka klas kan sdang naduh ka 22 tarik Ïaiong naduh ka por 3 baje janmiet.
Ka KSU ka kyrpad ïaki samla ka district Ri-bhoi ban shim kabu naka bynta ban ioh ïa katei ka jinghikai ei bad naka bynta kiwei pat ki khun samla na kiwei ki district ki bym lah ban wan sha Ri-Bhoi, ki lah ban leh lyngba ka Online Mode bad ïaka jingtip ba kham bñiah ki lah ban ïakynduh bad ki dkhot ka KSU lane ban leit mih sha El Elyon Institute ha Nongpoh.
-North Khasi Hills, kala khot ia ki samla pule kiba la pyndep ia ka klas XII ba kin wan sha ka Free Coaching Class jong ka Seng, ba kin pynkhreh ia ka eksam Common University Entrance Test (CUET) ban ioh rung klas ha ki College.){kind=link}