Shillong, Risaw 26 : Ki Pulit ka kynhun Anti Narcotics Task Force (ANTF) ka East Khasi Hills hynne ka sngi Balang, kila ioh ban kem ia arngut ki Nongkhaii droks ba na Assam ryngkat bad u heroin hangne ha Nongbah Shillong.
Kine ki arngut ki dei na ka shnong Badarpur, Karimganj bad Katogorah, Silchar, Cachar bad la kem ia kin a ka hotel Serene, GS Road, Police Bazaar. Kine ki arngut ki dei kiba 26 snem bad 31 snem.
Na ka met kine ki briew la ioh ban kurup haduh 20 synduk sabon u heroin uba khia haduh 250.64 gram, artylli ki mobile phone, kawei ka laptop Toshiba rong ktieh, artylli ki EPIC card, ar tylli ki Pan Card.
Ia kine ki arngut la register case ha Sadar Police Station bad la pynngat ia ki hapoh ka kyndon NDPS Act.
