Shillong, Risaw 23: Ka kynhun ialehkai Taekwando ba mihkhmat ia ka Jylla Meghalaya, kila ioh khur haduh 14 tylli ki takma na ka lympung ialehkai 4th National Open Taekwando Championship ba long ha Asansol, West Bengal.
Kine ki nongialehkai Taekwondo ki dei jong ka HNA Taekwondo, Shillong bad la ialam ia ki da u Coach Md Razzak Sarkar. Kane ka lympung ka dei kaba long ha ka 14-16 tarik Risaw.
Ki takma ba kine ki nongialehkai kila ioh khur ki kynthup ia 4 tylli ki takma ksiar, 6 tylli ki rynnong bad 4 tylli ki tama.
Ha ka jingiakhun Kyorogi (fight) Rishav Kumar Roy, Rukmi Thakuri bad Vincent Saikhom kila ioh ia ka takma ksiar bad ka Ananya Nath, Ayushman Paul bad Shibom Prassad kila ioh iaka rynnong, Abdul Maleque, Leonard Tynshain Nongspung bad Ruth Rana ki ioh ia ka tama.
Ha ka Poomsae (defense and attack forms), ka Rukmi kala ioh ia ka takma ksiar bad u Ayushman, Leonard bad Vincent kila ioh ia ka rynnong bad ka Ananya kila ioh takma tama.
U coach, Md. Razzak Sarkar uba la long referee ha kane ka lympung ula ioh ia ka Best Referee Award.
