Agartala, Risaw 22 :Ia ka jingthmu leit jurip jong u Myntri Rangbahduh (PM) Narendra Modi sha Tripura la pynsangeh noh.
Kham hashwa la pyntip ba u PM Narendra Modi un pynlong ka jingleit jngoh sha ka Tripura ha ka 27 lane ha ka 28 tarik mynta u bnai.
Hynrei, na ka liang ka ophis u Myntri Rangbahduh (PMO) kala pyntip ba u PM Modi un ym lah satia ban leit jngoh ia ka Tripura ha ka 27 lane ha ka 28 tarik mynta u bnai.
Ia kane ka jinglong jingman la pynthikna ruh na ka liang u Myntri Rangbah (CM) ka Tripura u Dr Manik Saha.
Ia ka tarik ka ban wan na ka bynta kane ka jingleit jngoh sha katei ka jylla yn sa pyntip sha ka sorkar Tripura.
Ha Tripura u PM Narendra Modi ula dei ban aijingkren ha ka jingialang paidbah bad ruh ban buh mawnongrim ia ki katto katne ki projek.
Lah ban kdew ba ia ka ilekshon assembly ha Tripura lah ban pynlong ha mar shiteng jong u snem u ban wan.
