Shillong, Risaw 19: Hadien 24 snem tam ka India National Congress (INC) kala ioh ia u Nongialam ba dei na bar ka longing ki Gandhi.
Ia kane la pynthikna mynta ka sngi hadien ka jingia niew votes jong ka ilekshon kaba la long ha baroh kawei ka ri India myn haka 17 tarik mynta u bnai daka All India Congress Committee (AICC).
Hadien ka jingia niew votes la pynthikna ba u Mallikarjun Kharge ula jop iaka ilekshon bad mynta un shimti noh kum u President ba thymmai jong ka Indian National Congress (INC).
Lah ban kdew ba kila don tang 2 ngut kiba la iakhun iaka shuki president thymmai ka INC kata u Mallikarjun Kharge bad u Shashi Tharoor.
Haka jingia niew votes u Mallikarjun ula ioh 7,897 votes katha u Tharoor ula ioh 1072 votes bad kila don haduh 416 votes kiba la shah kyntait.
Haba iadei bad kane u president thymmai ka INC u Mallikarjun Kharge un shimti noh ia ka shuki naka president barim ka Sonia Gandhi kaba la bat kum president INC naduh ba hiar shuki noh u Rahul Gandhi ha u snem 2019.
Naka liang u Shashi Tharoor lyngba ka Twitter ula ai khublei bad u lah kitbok kitewiang ia u president thymmai ka INC u Mallikarjun Kharge.
