Itanagar, Risaw 18 : Ka ophis jong u vice chancellor ka Rajiv Gandhi University hapoh Itanagar, Arunachal Pradesh kala shah pynjulor noh ha ki katto katne ki dkhot jong ka seng samla pule kiba don hapdeng ka jingbitar hynnin ka sngi Nyngkong.
Ki dkhot jong ka seng samla pule ka Rajiv Gandhi University kila pynjulor noh ia ka kamra jong u vice-chancellor jong ka University u Prof Saket Kushwaha.
Kane ka jingjia la kynnoh ba kala jia hynnin ka sngi Nyngkong ha ka por kumba 11 baje mynstep hadien ba ki dkhot jong ka seng kila wan poi hapoh ka ophis jong u VC na ka bynta ban iakren halor ki katto katne ki mat.
Katkum ki khubor la ong ba kane ka jingshah pynjulor kala wan long hadien ba kala mih ka jingiania namar ka jingdawa jong ka seng pule ka RGU na ka bynta ban pyntreikam biang ia ka “hostel prefect system”.
