-->

Pyndep ki 58 ngut ki Home Guard volunteer ia ka jinghikai ha Upper Mawprem | Dei ka jingpynkupbor ban iakhun droks: Paul

Date:

Share post:

Shillong, Naiwieng 21 : Ka jingïalang pynkut jong ka Urban Basic Training ki Volunteer Home Guard ha Upper Mawprem ha ka sngi Saitjaiñ, kam shym la long tang ka jingai khublei- hynrei ka dei ka jingkhot ïa ki ban sdang ïa ka lynti kaba thymmai ha ka jingim, ong u Bah Paul Lyngdoh, Myntri ka Tourism, Social Welfare bad Arts & Culture.

Haduh sanphew phra ngut ki volunteer kila pyndep ia ka jingai jinghikai pyntbit.

“Nga ïohi ba phi la phong ïa ka uniform bad phi don ïa ka jingthrang ban sdang ïa ka bynta kaba thymmai ha ka jingïaid lynti jong ka jingim jong phi,” ong u Bah Lyngdoh ha ka jingialang.

U la pynkynmaw ba tang ha ki khyndiat bnai mynshwa, kajuh ka shnong kala iakynduh ha ka Nongsohphoh Committee Hall ban ïakren halor ka jingnang kiew ha ka jingdon ki nongdih kyaid bad ka jingkhaii droks. Ha katei ka jingialang, ula ong, ula tyrwa ia ka rukom treikam kaba ar bynta.

“Ka bynta kaba nyngkong ka long ban pynsangeh, ban pynduna bad ban pynduh ïa ka jingma jong u drok, bad ka bynta kaba ar ka long ban thaw ïa ki lad ki lynti kiban ïalam ïa ki samla sha ka lynti kaba dei, sha ka lynti kaba don jingmut, sha ka lynti kaba don jingkyrmen,” u la ong.

U la ong ba ka jingïalang ha ka sngi Saitjaiñ ka la pynïasoh lang ïa kine ki ar tylli ki thong.

Ka Dorbar Shnong ka la dep ban thaw ïa ka Village Defence Party — kaba long kawei napdeng ki katto katne tylli ha Shillong — bad mynta la pdiang ia ki volunteer kiba la shah hikai ba kin ai jingshakri.

“Ngi pynkhreh ïa phi ym tang ban pynlait, ym tang ban ai ialap, ym tang ban ïakren, hynrei ngi pynbit pynbiang ïa phi, ngi pynkupbor ïa phi kumno ban sdang ïa ka jingim kaba thymmai, kaba don jingmut bad kaba don ka thong, kaba sdang naduh mynta,” ong u Bah Paul.

U la pynkynmaw ïa ki ba baroh kiei kiei ki sdang na ka jingmut jingpyrkhat, bad wat ka uniform kaba ki phong mynta ruh ka la sdang kum ka jingmut.

Share post:

-->
spot_img

Popular

More like this
Related

Khang ka Sorkar ia ki trok kit skum ba khlem tap ban rung sha Shillong

Shillong, Naiwieng 21 : Ki bor district ka East...

Pynjngai ka BJP ialade na ka RTI u MDC halor ka jingbei pisa ia ki Gospel Concert

Shillong, Naiwieng 21 : Ka Bharatiya Janata Party ka...

Arunachal | Leit iuhkjat u Amit Shah hapdeng ki jingiakhih pyrshah ia ka Siang Mega Dam project

Itanagar, Naiwieng 21: U Myntri ka tnat kam poh...

Meghalaya High Court quashes POCSO case, orders compensation for survivor

Shillong, November 21: The Meghalaya High Court has quashed...