Nongstoin, Naiwieng 20 : Ka Iingkashari District & Session Judge ka West Khasi Hills, kala hukum ban set phatok shirta jingim katba dang im, ia u briew uba pyniap iala ka jong ka kurim kaba dang armet ha ka thain Nongstoin.
Kat kum ka jingpyntip u Superintendent of Police ka West Khasi Hills, kane ka jingjia kala jia ha u bnai Rymphang 2024 bad une u briew uba pyniap u kyrteng u Biangkupar Nongsiej.
Ka ejahar bala mudui da u Kpa kane ka lanot, ka iathuh ba u Biangkupar ula pyniap ia ka khun jong u, kaba dang sdang ban armet ha katei ka por ba jia kane ka jingjia.
Ki Pulit kila register ia ka case ha Nongstoin P.S. hapoh ka kyndon 302 IPC, bad ia ka jingtohkit la khlieh da ka WPSI Batlariti Dkhar.
Hadien ka jingtohkit bad ka jinglum ia baroh ki sakhi, ka Investigating Officer kala aiti ia ka chargesheet pyrshah ia une u briew hapoh ka kyndon 302 IPC.Ka Iingkashari ha ka 18 tarik Naiwieng, 2026, kaba bishar ia baroh ki sakhi, kala rai pynrem ia u Biangkupar Nongsiej bad hukum ban set along shirta jingim katba u dang im lem bad ka jingsiew ia ka kun aba T.1 lak.

