-->

Yn siew ka sorkar ia ka arrear DA | Ka CPF ka dang don ha Iingkashari: ong u DyCM ia ki nonghikai deficit

Date:

Share post:

Shillong, Naiwieng 19: U Symbud Myntri Rangbah ka Jylla u Bah Prestone Tynsong ula pynthikna ia ki nonghikai skul deficit ba ia ka Dearness Allowance (DA) Arrears yn sa siew noh, hynrei ula kyntu pat ia ki ba kidei pat ban ap shwa ia ka jingshim rai jong ka iingbishar halor ka Centralized Provident Fund (CPF) ha ka jaka ban bteng ia ka jingiakhih jong ki.

Ula kren ia kane kadei halor ka jingiakhih kaba khlem buh por jong ka Khasi Jaintia Deficit School Teachers Association (KJDSTA).

Halor ka DA, u Bah Prestone Tynsong ula ong, ba ki nonghikai deficit ki shim ia ka jingsiew kaba iasyriem bad ki nongtrei sorkar bad kidei hok ruh ban ioh ia ka juh ka jingmyntoi na ka DA.

“Ki ioh ia ka jingsiew kum ki nongtrei sorkar. Haba ka don ka jingkiew ha ka Dearness Allowance, ki ruh ki ioh ia kajuh hi ka jingmyntoi. Katei kadei ka hok bad ka jingioh ka jongki”, ula ong.

Ula ong ruh, ba ki jingdawa ba kongsan jong ki nonghikai ha ka jingiakhih kadei
ban pyllait noh ia ka DA arrears bad ki kam ki jam kidei kiba dang iaid shakhmat.

“Ka Director jong ka DSEL kala pynpaw ba kan ym slem than shuh ba ki dang don ha ka lynti ban pyllait noh ia katei ka arrear”, ong u Bah Tynsong.

Ula batai ba ki nonghikai deficit ki long kumjuh kum ki nongtrei jong ki Board bad ki Corporation, ki bym hap beit beit hapoh jongka Sorkar Jylla hynrei la bei pisa ia ki kum kitei ki kynhun.

“Shim nuksa kum ia ka MeECL. Kadei ka Corporation. Kumta ki don ruh ki Board kum ka Municipal Board bad ka Housing Board. Ki nongtrei jongki ruh ki dei ki nongtrei sorkar” ula ong.

Ula ong, ba ka jingsiew ia ki DA arrears kan shong eh ha ka jingdon ia ka pisa.

“Haba ngi ai ia ka DA ia ki nongtrei sorkar, ki don ki por ba ka pisa ka duna bad ngi ong, ba ngin sa siew lut noh hadien jong ka saw ne hynriew bnai ne shisnem” ong u Bah Prestone bad ka bynrap, “Ka treikam kumjuh ia ki Board bad ki Corporation. Don ki por ba ia ka arrear ym shim la lah ban siew haduh lai ne san snem”.
“Kane kam mut ba ngin ym siew shuh. Ïa ki jingsiew kiba dang sahteng yn sa siew khuid noh namar kadei ka hok bad ka jingioh jingmyntoi ka jongki”, ula ong, “Lada ki nonghikai deficit kim ioh ia ka arrear mynta, kin sa ioh ha u snem ban wan. Ka tnad pule puthi kala pynthikna ia ki ba kin hap ban ap, namar ba ki kam ki jam kidei kiba dang iaid shakhmat ban ioh pyllait ia ka DA.”

Ha kaba iadei bad ka CPF, kaba ki nonghikai kila dawa ban pyntreikam noh ia ka CPF Scheme 2023 bad kynnoh ba ka CPF Scheme 2026 ka long kaba be-aiñ, u Bah Tynsong ula ong ba ka Jylla kala shim ban pyntreikam da ka National Pension Scheme (NPS).

“Ka sorkar jylla kala shim ban pyntreikam da ka National Pension Scheme, kaba ka Sorkar India kala thaw kum ka aiñ. Ngi lah pyntreikam ia ka na ka bynta jongki nongtrei sorkar naduh u snem 2010”, ula ong. “Ha u snem 2026, ka Sorkar ruh kala pynbna ïa katei kajuh hi ka scheme na ka bynta ki nonghikai skul deficit”.

Ula ong ba ki nonghikai kila mudui pyrshah ia ka NPS ha ka ĂŻingbishar. Kane ka kam, kala poi shaduh sha Supreme Court, kaba la phah biang sha ka High Court, kaba ka dang khmih bnaih ia kane.

“Ka High Court kala pdiang ia ka NPS ba la pyntreikam da ka Sorkar Jylla. Ngi lah pyntreikam kumjuh na ka bynta ki nonghikai skul deficit”, la ong u bah Tynsong.

Ula ong, ba kam long kaba dei ban pynlong jingiakhih halor ka mat kaba don hapoh ka jingtian bishar jongka iingbishar.

“Ngim lah ban kren eiei than halor kane ka ishu hadien ba ka High Court ka la pynmih ïa ka hukum ban pyntreikam ïa ka” ula ong. “Ka kynhun ki nonghikai skul deficit kala dep ban iakhun ia kane ka mat hakhmat jongka High Court. Kam long kaba bha ban rah biang ia kane ka mat. Hynrei ai ba ka Division Bench jong ka High Court lane ka Supreme Court kan ai ia ka rai jongka”.

“Ban mih ha ki surok mynta ban iakhih pyrshah halor ka mat CPF kam long kaba dei namar ba ka don hapoh jongka High Court”, la ong u Bah Tynsong. “Lada ki pynlong ia ka jingsangeh treikam ne ki prokram jingiakhih, nga kwah ban ai jingmut ia ki ba kin ap shwa bad ai ba ka iingbishar kan shim ia ka rai.”

“Sngewbha ap bad ban bteng ban buddien na ka iingbishar. Ynda la mih ka hukum, ka Sorkar Jylla kan sa peit ia kaei kaba donkam ban leh” ula bynrap.

Share post:

-->
spot_img

Popular

More like this
Related

Meghalaya govt will clear DA arrears, CPF matter is before court: Prestone tells deficit teachers

SHILLONG, NOV 19: Deputy Chief Minister Prestone Tynsong on...

Cherry Blossom | Wan poi u Nelly ha Shillong; pynkhreh ka Jylla ia ka miet hip-hop

Shillong, November 18: Ka Shillong kala pynkhreh ban pynlong...

Yn ioh ka Meghalaya da u Acting DGP hadien ba shongthait ka kong Nongrang

Ka jingthung DGP ba pura kan iaid kat kum...