-->

Iakynduh ka KSU ia ka KJDSTA | Bitar ba sngap mynthi ka Sorkar ia ki jingdawa ki Nonghikai

Date:

Share post:

Shillong, Naiwieng 18 : Ka Khasi Students’ Union – Central Executive Council, ha ka sngi Balang, ka la leit ïakynduh ïa ki nonghikai decifit ka Khasi Jaiñtia Deficit School Teachers Association (KJDSTA) kiba dang iakhih ha madan Pohkseh bad pynpaw ia ka jingbitar ia ka jingsngap mynthi ka Sorkar nalor ban thok ban shuki ia ki nonghikai la bunsien halor ki mat jingdawa jong ki.

Ha kajuh ka por, ka KSU kala ai ruh ka jingkyrshan kaba pura ia ki mat jingdawa jong ki nonghikai deficit.

Advertisement

“Kadei ka jingleh jong ka Sorkar ba ki nonghikai na kapor sha ka por ki hap ban mih madan ban dawa ïa ka hok ka jong ki. Ka jaka jong ki nonghikai ka dei hapoh kamra klas ym ha madan hynrei ka jingshukor ka Sorkar bad ki polisi kaba ka wanrah ka bym tei ïa ka bha ka miat jong ki, ka pynlong ïa ki ban mih madan” ong u General Secretary samla Reuben Najiar ha ka kyrwoh.

Kat kum ka jingong jong une u nongialam ka KSU, “Ka jinghiar ka pule puthi ha ka jylla ka dei namar ka Sorkar kam sngap ïa ka jing pynsngew jong ki nonghikai hynrei ka leh katba ka mon tang ban pynbiang ïa ka pla tyngka jong la jong khlem da pyrkhat ïa ka lawei jong ki samla pule”.

Ha kajuh ka por ka KSU ka pynrem jur ïa ka jingkren jong u Dy. CM, Bah Prestone Tynsong da kaba pynïahap ba ki nong hikai kiba ïa khih ki long kiba bam kruiñ ïa ka jaitbynriew.

“Kane ka jingkren tohmet na ka liang jong u Dy. CM ka long kaei kaei ka bym lah ban pdiang bad ka pyni ruh ba kane ka Sorkar ka kheiñ poh ïa ki nonghikai jong ka jylla. Lada u Dy. CM u sngew biang ïa lade haduh katta u dei ban ot shuwa ïa ka tulop jong la jong sa kren pat ïa kiwei” ong u samla Reuben.

Ula ong “Haba kiwei ki jylla, na ka por sha ka por, ki pynkiew ïa ka tulop ki nonghikai khnang ba kin ïoh ban ai shuh ka jing shakri kaba pura, ka dei tang ha ka jylla ka jong ngi ba ngi ïohi ba ka Sorkar ka ot bad pynduna man ïa ka tulop. Ha kumne, hato ka jylla kan kiew ha ka pule ka puthi ne kan dang hiar ar sut”.

“Ka Sorkar ka lah ban pynlut da ki phew crore ha ki kam tamasa, hynrei ba peit ïa ka bha ka miat jong ki nonghikai ka artatien” ula kynthoh.

Ka Seng ka ai ka jingkyrshan kaba pura ïa la ki jong ki nonghikai bad ka kyntu ruh ïa ki School Managing Committee jong ki skul bapher bapher ha ka jylla ba kin ai ka jingkyrshan kaba pura ïa ki nonghikai deficit jong ka skul ka jong ki bad ka ïawer ruh ïa ki khynnah skul ba kin mih shakhmat ba kyrshan ïa la ki jong ki nonghikai.

Ula pyntip ba lada ka Sorkar ka dang iai bteng ban sngap mynthi ia ka jingdawa ki nonghikai deficit, ka KSU kan hap ban mih shakhmat ban pynbor ia ka Sorkar ban pynurlong ia ki mat jingdawa jong ki.

Share post:

-->
spot_img

Popular

More like this
Related

Kurup ka ANTF ia u heroin ba shongdor T.75 lak na Lumsurvey

Shillong,Naiwieng 18 : Ka kynhun Anti-Narcotics Task Force (ANTF)...

KHBBA marches in Shillong, refuses to vacate Iew Mawlong stand, warns of stir

SHILLONG, NOV 18: Refusing to vacate its stand at...

Dap smam ki booking ia ki hotel ha Shillong haduh u Nohprah | Iarap khring lang ka Cherry Blossom

Shillong Naiwieng 18: Ka Cherry Blossom kala long ka...